მულტიმედია
ბრაკონიერებთან მებრძოლი ქალი რეინჯერი სამეგრელოდან (ფოტო/ვიდეო)
32 წლის ეკა ბაჩილავა 5 წელია მარტვილის დაცული ტერიტორიის რეინჯერია. ამ გადაწყვეტილებამდე ბუნების სიყვარულმა მიიყვანა. მანამდე, ის მარტვილის კანონში მენავედ მუშაობდა. უყვარს თავისი საქმე, სირთულეები არ აშინებს და ამაყობს რომ რეინჯერია.

,,სირთულეები ჩემთვის არ არსებობს, იმიტომ, რომ ჩემი სამსახური ძალიან მიყვარს და კმაყოფილი ვარ აქაურობით. მიყვარს ბუნება, ცხოველები, ადამიანებთან ურთიერთობა, სადაც სამსახურს იწყებ, შენი უნდა იყოს და ყველაფერს დაძლევ’’, - გვითხრა ეკამ.

ეკა ბაჩილავა მარტვილის რაიონის სოფელ ინჩხურში ცხოვრობს. სკოლა მარტვილში დაამთავრა, უნივერსიტეტი კი ქუთაისში. პროფესიით დაწყებითების პედაგოგია, თუმცა მისი თქმით ამ მიმართულებით არასოდეს უმუშავია. უნივერისტეტის დამთავრების შემდეგ, რეინჯერობამდე, ეკა სამი წელი მარტვილის კანიონში მენავედ მუშაობდა.

,,გამიჩნდა სურვილი უნივერსიტეტი რომ დავამთავრე გავმხდარიყავი მენავე. ჩემი კერძო ნავი მყავდა აქ და ვემსახურებოდი მოსახელობას, ტურისტებს რომლებიც მოდიოდნენ. ნავები იმდენად დაცული არ იყო ადრე და იყო შემთხვევა, რომ გადმოგვბრუნებია ნავი რამდენჯერმე, მაგრამ დახრჩობის მომენტი არ გვქონია’’, - იხსენებს რეინჯერი.
ეკა პატრულირებას 10 საათზე იწყებს, ყოველდღიურად ფეხით დაახლოებით სამ- ოთხ კილომეტრს გადის. ის თავის კოლეგებთან ერთად უფრთხილდება და იცავს მარტვილის დაცულ ტერიტორიას.

,,თითოეული რეინჯერი ვიცავთ ჩვენს ადგილს და ტურისტების უსაფრთხოებას. ამ კორონადან გამომდინარე ტურისტები მოგვაკლდა, მაგრამ სანამ ეს მოხდებოდა ძალიან ბევრი ტურისტი გვყავდა და ტურისტებს ვამხნევებთ, სურათებს ვუღებთ’’, - გვიყვება ეკა.

გარდა მარტვილის დაცული ტერიტორიისა ახალგაზრდა რეინჯერი, თანამშრომლებთან ერთად, ბალდის კანიონს, კაღუს ჩანჩქერს და ონიორეს ჩანჩქერს იცავს.

ქალი რეინჯერი, ბრაკონიერებთან მებრძოლი ეკა ბაჩილავა - ასე ახასიათებენ მას კოლეგები.

,,მარტვილის კანიონში, რომ ბევრი თევზია დღესდღეობით ეს ჩვენი - რეინჯერების დამსახურებაა და ამ საქმეში ერთ-ერთი მთავარია ეკა. როდესაც ვხედავთ, ბრაკონიერი თევზაობს, ოპერატიულად გავდივართ, ხშირად ვაკავებთ მათ და ვადგენთ ადმინისტრაციულ სამართალდარღვევათა ოქმს“, - ამბობს ვახტანგ ხელაია და დასძენს, რომ ამ სფეროში მეტი ქალი უნდა იყოს.
ეკა ამბობს, რომ მის არჩევანს გარშემომყოფები თავდაპირველად სკეპტიკურად შეხვდნენ, თუმცა დღეს უკვე ბევრ გოგოს სურს რეინჯერობა.

,,ყველას ვეუბნები, რომ რეინჯერობა ძალიან მაგარია და ბუნება, ცხოველები, ფრინველები უნდა უყვარდეთ. ახალგაზრდები ექსკურსიაზე, რომ მოდიან რეინჯერის საქმიანობაზე ვუყვები. სადაც კი მივდივარ ან გავივლი მკითხავენ ჩემი ფორმის შესახებ, ყველას ვეუბნები, რომ ძალიან მაგარ სამსახურში ვმუშაობთქო. ზოგმა იცის რეინჯერი რას ნიშნავს, ზოგმა არა... უკვე ბევრი გოგო ინტერესდება ამ საქმით და ხშირად მეკითხებიან ვაკანსიები არის თუ არა ჩვენთან“, -გვითხრა ეკამ.

დაცული ტერიტორიების სააგენტოში სულ 400 რეინჯერი მუშაობს, მათგან ქალი მხოლოდ ხუთია: ბელა ნამგალაძე - სათაფლიას ნაკრძალი, სალომე იდოიძე - თუშეთის ეროვნულ პარკი, თეკლა ხიბლაშვილი – ფშავ-ხევსურეთი, ლუსინე დოსტიბეგიანი - ალგეთის ეროვნულ პარკი და ჩვენი რესპოდენტი.

ეკას იმედი აქვს, რომ მომავალში ბუნებას უფრო მეტი ქალი დაიცავს და გაუფრთხილდება.




Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
19 / მარტი 2024
რუსეთის ფედერაციის ცენტრალური საარჩევნო კომისიის მონაცემებით, ოკუპირებულ აფხაზეთში ვლადიმერ პუტინს ხმა 38 945-მა ადამიანმა მისცა. რუსეთის მოქმედმა პრეზიდენტმა ხმების თითქმის 94% მიიღო. 2018 წელთან შედარებით პუტინისთვის მიცემული ხმების რაოდენობა 482-ით შემცირდა.
19 / მარტი 2024
ზუგდიდის მუნიციპალიტეტის სოფლებში - ინგირსა და ძველ აბასთუმანში საბჭოთა ბელადების ვლადიმერ ლენინისა და იოსებ სტალინის ბიუსტები დგას.
19 / მარტი 2024
საქართველოს პრემიერ - მინისტრის განცხადებით, საპატრიარქოს საგანმანათლებლო პროექტების დაფინანსება 5 მილიონი ლარით გაიზარდა, რაც ჯამში 60 მილიონ ლარს გულისხმობს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 10 °C
img
სოხუმი 13 °C
img
ფოთი 10 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.