ახალი ამბები
ზუგდიდში მიუსაფარ ძაღლსა და მის ლეკვებს სახლი დაუდგეს (ფოტო)
ზუგდიდელ ბათას, რომელმაც გასულ კვირაში ლეკვები გააჩინა, ცხოველთა მოყვარულმა ზაქარია დოლიძემ სახლი თბილისიდან გამოუგზავნა. "კეთილი მანქანის" იდეის ავტორმა უპატრონო ძაღლსა და მის შვილებზე "საქართველოს ცხოველთა დაცვისა და გადარჩენის საზოგადოების" წევრისგან, მარიამ შეყილაძისგან შეიტყო. თავის მხრივ, მარიამმა "ათინათის" მიერ გამოქვეყნებული მასალა სოციალურ ქსელში ნახა. როგორც ის ამბობს, ბათას მანამდეც იცნობდა, როდესაც პანდემიის დროს მასთან საკვები მოხალისეობრივად დაჰქონდა.

"კარანტინის პერიოდში ვიმყოფებოდი ზუგდიდში. "საქართველოს ცხოველთა დაცვისა და გადარჩენის საზოგადოების" დახმარებით და მათი მოწოდებული საკვებით, მედიკამენტებით, ასობით ცხოველი გადავარჩინეთ შიმშილს და ტანჯვას. როგორც ადამიანებისთვის, ისე მიუსაფარი ცხოველებისთვისაც არანაკლებ მძიმე პერიოდი იყო, ყველა შესაძლო საკვები ობიექტის დახურვის ფონზე, მათ ნულოვანი შანსი გააჩნდათ საჭმლის მოპოვების და მხოლოდ გულისხმიერი ადამიანების იმედად იყვნენ დარჩენილები. სწორედ ამ პერიოდში დავუახლოვდი ბათას და მისი ლეკვების წინა თაობას. ახლა მის შესახებ ინფორმაციას თქვენს ვებგვერდზე გადავაწყდი, რომ სახლის ასაშენებლად აგროვებდნენ თანხას. ძალიან გამახარა ამ ფაქტმა და გამიჩნდა სურვილი სახლი სხვა გზით მომეძიებინა და ეს თანხა მის სხვა საჭიროებებს, მაგალითად სტერილიზაციას მოხმარებოდა. ეს მის ტანჯვას და ქუჩაში ამდენი ლეკვის გაჩენას შეამსუბუქებდა. დავუკავშირდი ზაქარია დოლიძეს, რომელმაც მიუსაფარი ცხოველების დასახმარებლად წამოიწყო პროექტი, რომლის ფარგლებშიც სახლებით უზრუნველყოფს მათ. ვკითხე თუ შეეძლო ერთი სახლი გამოეყო, რომლის ზუგდიდში გაგზავნას მე უზრუნველვყოფდი. მალევე მივიღე მისგან პასუხი, რომ ბათას და ლეკვებს სახლი აუცილებლად ექნებოდათ", - გვითხრა მან.

მარიამი ამბობს, რომ ზუგდიდი ერთ-ერთია იმ ქალაქებს შორის, სადაც უპატრონო ცხოველებს განსაკუთრებით მძიმე პირობებში უწევთ ცხოვრება. აქტივისტი თვლის, რომ საკანონმდებლო ცვლილებებთან ერთად, აუცილებელია მოსახლეობის ცნობიერების ამაღლებაზე ზრუნვაც, რაც მისივე თქმით, მნიშვნელოვნად შეცვლიდა ქვეყანაში არსებულ ვითარებას.

"ზუგდიდის ქუჩებში სიარულიც კი მიჭირს, ყოველ ნაბიჯზე უმწეო ცხოველის ნახვა ემოციურად ძალიან რთულია. თუმცა მინდა აღვნიშნო, რომ სასიამოვნო ცვლილებებიც შეინიშნება და იზრდება ცხოველთა მოყვარული ადამიანების რაოდენობაც. მახარებს ის ფაქტი, რომ სულ უფრო მეტ ადამიანს ურჩევნია იზრუნოს და არ დაჩაგროს. ბათას და ლეკვებს უსაფრთხოდ ცხოვრებას ვუსურვებ ახალ სახლში და მზრუნველ პატრონებთან დაბინავებას. ვიმედოვნებ რამდენიმე წელიწადში სხვა სურათი გვექნება ქვეყანაში და ამ უდიდეს კომპლექსურ პრობლემას, რომელსაც მხოლოდ ერთი მოგვარების გზა არ გააჩნია და დიდი ძალისხმევით გადაჭრას საჭიროებს, აუცილებლად მივიყვანეთ საჭირო კონდიციამდე", - ამბობს ცხოველთა მოყვარული.

რადიო "ათინათმა" ზუგდიდელი ძაღლისა და მისი ახალშობილი ლეკვების შესახებ მასალა 18 სექტემბერს გამოაქვეყნა, რომელშიც დახმარების მსურველთათვის ანგარიშის ნომერია მითითებული. ასოციაცია "ათინათის" თანამშრომლის სალომე ჟვანიას ინფორმაციით, ამ ეტაპისთვის ანგარიშზე 200 ლარამდე თანხაა შეგროვებული.

"ეს პატარა ონლაინ კამპანია "სახლი ბათასთვის" სულ რამდენიმე დღეა რაც დავიწყეთ, გავავრცელეთ მიუსაფარ ცხოველთა მხარდაჭერის სხვადასხვა ფეისბუქ ჯგუფებსა თუ გვერდებზე, სადაც ერთ-ერთი წევრმა მარიამ შეყილაძემ გაიზიარა ჩვენი ინფორმაცია და ზაქარია დოლიძის მიერ აშენებული სახლი გამოუგზავნა ბათას თბილისიდან. სახლის ყიდვა აღარ მოგვიწევს, მაგრამ ამ თანხას ძაღლის სტერილიზაციას, ან ლეკვებისთვის საკვების ყიდვას მოვახმართ", - გვითხრა სალომე ჟვანიამ.

მისივე ინფორმაციით, სხვა ზუგდიდელ ცხოველთა მოყვარულებთან ერთად მსგავსი აქციების ორგანიზებას მომავალშიც გეგმავენ.

ამავე თემაზე: 

ზუგდიდელ "ბათას" და მის 9 ლეკვს სახლი სჭირდება (ფოტო)
Print Email
FaceBook Twitter
რ ე კ ლ ა მ ა
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
ზუგდიდის მუნიციპალიტეტის ჯუმის ადმინისტრაციულ ერთეულში ახალი საბავშვო ბაღის მშენებლობა მიმდინარეობს.
კორონავირუსი
გასული დღე-ღამის განმავლობაში კორონავირუსით გამოწვეული გართულებებით სამეგრელოში 2 ადამიანი გარდაიცვალა.
27 ნოემბრის მონაცემებით აფხაზეთში კორონავირუსზე 206 ადამიანი გამოიკვლიეს და მათგან 66-ს ინფექცია დაუდასტურდა.
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 4 472 ახალი დადასტურებული შემთხვევა, გამოჯანმრთელდა 4 058 პირი,
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
ამავე კატეგორიაში
დღის სიახლეები
28 / ნოემბერი 2020
გასული დღე-ღამის განმავლობაში კორონავირუსით გამოწვეული გართულებებით სამეგრელოში 2 ადამიანი გარდაიცვალა.
28 / ნოემბერი 2020
27 ნოემბრის მონაცემებით აფხაზეთში კორონავირუსზე 206 ადამიანი გამოიკვლიეს და მათგან 66-ს ინფექცია დაუდასტურდა.
28 / ნოემბერი 2020
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 4 472 ახალი დადასტურებული შემთხვევა, გამოჯანმრთელდა 4 058 პირი,
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 5 °C
img
სოხუმი 6 °C
img
ფოთი 7 °C
img
მესტია -5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.