მულტიმედია
სანდრა ლატარია - ჩინეთმცონდე სამეგრელოდან (ფოტო/აუდიო)
ჩინური ენის შესწავლა წალენჯიხელმა (ალექსანდრა) სანდრა ლატარიამ ბავშვობაში გადაწყვიტა, როდესაც ჩინეთის კედლის ნახვაზე დაიწყო ოცნება. ოჯახთან ერთად აზიის სხვადასხვა ქვეყანაში გატარებულმა რამდენიმე წელმა ეს სურვილი კიდევ უფრო გაუღვივა. ჩინური ენის სწავლა 2004 წელს საქართველოს თავისუფალი უნივერსიტეტში დაიწყო და 2008 წელს კი, გაცვლითი პროგრამის ფარგლებში, ქალაქ უხანის პედაგოგიურ უნივერსიტეტში განაგრძო, ჩინური ენისა და ლიტერატურის მიმართულებით. უფრო გვიან, ლანჭოუს უნივერსიტეტის მაგისტრანტი გახდა.
მიიჩნევს, რომ ჩინეთში გატარებული სტუდენტური წლები და იქ ცხოვრება მისთვის ერთ - ერთი საუკეთესო გამოცდილება იყო.


"ჩინეთში აქვთ ძალიან ძლიერი განათლების სისტემა, იმიტომ რომ მოიცავს ძალიან ბევრ პუნქტს და სპექტრს, უძლიერესი ლაბორატორიები აქვთ, ასევე მოწინავე თანამედროვე ტექნოლოგიები... არის ცალკე აშენებული სტუდენტური საცხოვრებელი, სტუდენტური უნივერსიტეტები. იქვე არის ყველაფერი მოწყობილი სტუდენტისთვის, რომელიც იმის განწყობას გიქმნის რომ შენ ხარ სტუდენტი და შენ ხარ ამ გარემოში ძალიან დაცულად. გაქვს ყოველდღიურად შეხება ისეთ ადამიანებთან, რომლებიც ძალიან თბილად გექცევიან, ცდილობენ ყოველთვის ყურადღება მოგაქციონ", - იხსენებს სანდრა. ადგილობრივების სტუმართმოყვარეობა და ჩინური ტრადიციები, მათ შორის, სამზარეულო, რომელიც ძალიან მოსწონს მრავალფეროვნებისა და ცხარე სანელებლების გამო, ხშირად საქართველოს, განსაკუთრებით კი მშობლიურ სამეგრელოს აგონებდა.
"დიდ მნიშვნელობას ანიჭებენ საჭმელს და კერძების მომზადებას ჩინეთში, უყვართ ბევრნაირი სახეობის კერძები, აქვთ მრგვალი მაგიდა, სადაც უნდა განლაგდეს ეს კერძები, მრგვალი მაგიდა უნდა ტრიალებდეს აუცილებლად, იმიტომ რომ ყველა სტუმარმა შეძლოს სხვადასხვა კერძის დაგემოვნება... სტუმართმოყვარეები არიან ძალიან და ყოველთვის ცდილობენ ოჯახში შეგიპატიჟონ და სადილები მოგიმზადონ , ყველა დღესასწაულს აღნიშნავენ ძალიან გრანდიოზულად და სუფრას ავსებენ კერძებით. გაზაფხულის ფესტივალს და ახალ წელს აღნიშნავენ ოჯახის წევრებთან ერთად", - აღნიშნა სანდრამ.უკვე რამდენიმე წელიწადია თავად ასწავლის სტუდენტებს ჩინურ ენას. ამბობს, რომ ბოლო დროს საგრძნობლად გაიზარდა ინტერესი ჩინური ენისა და კულტურის მიმართ.

"ჩინური არის ძალიან რთული ენა. აქ შემადგენელი არის იეროგლიფები, ანბანი არ აქვს ჩინურ ენას და ამიტომ ეს ართულებს მისი სწავლის პროცესს, გარდა ამისა აქ არის ოთხი სხვადასხვა ტონალობა, ყველა ტონალობაში სიტყვა შეიძლება სხვადასხვა რაღაცას ნიშნავდეს ... ჩინური ენა რთულია, ჟღერადობაც საჭიროა, სმენაც საჭიროა მის შესასწავლად და ვიზუალიზაციაც, თვალით დამახსოვრება იეროგლიფების, თუმცა მიუღწევადი პროცესი ნამდვილად არა არის", - თვლის სპეციალისტი.

გარდა ამისა, ახალგაზრდა სინოლოგი (ჩინეთმცოდნე) მთარგმნელობით საქმიანობასაც ეწევა, მან თარგმნა თანამედროვე ნობელიანტი მწერლის მო იენის "ღვინის ქვეყანა",  "დიდი ძუძუ-მკერდი, განიერი გავა". ასევე, ძიტი მაძიას რამდენიმე ლექსი და პოემა. არის ავტორი სხვადასხვა უნივერსიტეტებში გამოცემული და ადგილობრივ გამოცემებში დაბეჭდილი რამდენიმე სტატიისა. 2014 წელს კი პირველმა შეადგინა ქართულ-ჩინური სასაუბრო.

ამბობს, რომ პანდემიის დასრულებისთანავე, ჩინეთში მოგზაურობას და პეკინის მონახულებას გეგმავს ოჯახთან ერთად, მანამდე კი თავის ორ შვილს, ჩინეთიდან ჩამოტანილი ნივთების წარმოშობის ისტორიებს უყვება

„... ჩინური ენის მიმართ ჯერ ინეტერესი არ აქვთ, იმიტომ, რომ რთული ეჩვენებათ, რაღაც - რაღაცეებს კი წერენ და გამოთქვამენ, არ ვიცი, შეიძლება მომდევნო წლებში უფრო და უფრო გაუღვივდეთ ინტერესი’’, - გვიყვება სანდრა.

სამომავლოდ გეგმავს გამოსცეს ქართულ - ჩინური სასაუბრო აპლიკაციასთან ერთად. ასევე, სურს, რომ კონფუცის ინსტიტუტი, საქართველოს სხვა ქალაქების მსგავსად, ზუგდიდშიც იყოს, სადაც სტუდენტები უფასოდ დაეუფლებიან ჩინურ ენას და გაეცნობიან ჩინურ კულტურას.


Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
ბოლო მონაცემებით აფხაზეთში 524 ადამიანი გამოიკვლიეს, მათგან 91-ს კორონავირუსი დაუდგინდა. ინფორმაციას დე ფაქტო რესპუბლიკაში Сovid 19-სგან მოსახლეობის დაცვის მიზნით შექმნილი ოპერატიული შტაბი ავრცელებს.
ბოლო 24 საათში გამოვლინდა ვირუსით ინფიცირების 1 137 ახალი დადასტურებული შემთხვევა, აქედან
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 214 ადამიანი
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ამავე კატეგორიაში
დღის სიახლეები
21 / იანვარი 2021
სამოქალაქო აქტივისტების ნაწილი, "ევროპული საქართველოს" ახალგაზრდული ორგანიზაციის წევრებთან ერთად, სტრასბურგის სასამართლოს გადაწყვეტილებას ენგურის ხიდზე ელოდებოდა. მათ სწორედ საოკუპაციო ხაზთან
21 / იანვარი 2021
ცნობილი გახდა, რომ სტრასბურგის საერთაშორისო სასამართლოს გადაწყვეტილებით, 2008 წლის რუსეთ-საქართველოს ომის საქმეზე, სასამართლო დავა საქართველომ მოიგო.
21 / იანვარი 2021
ევროპული საქართველოს ახალგაზრდული ორგანიზაციის წევრებმა სამხარეო ადმინისტრაციის შენობასთან აქცია-პერფორმანსი გამართეს. მათი თქმით, ისინი უერთდებიან ზუგდიდში სამოქალაქო აქტივისტების
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი -1 °C
img
სოხუმი 0 °C
img
ფოთი 1 °C
img
მესტია -10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.