მულტიმედია
კორონაპანდემია და შემოსავლის გარეშე დარჩენილი მუსიკოსი სამეგრელოდან (ფოტო/ვიდეო)
ბენდ LADYBIRD-ის ვოკალისტი ზოე ცქვიტაია ერთ-ერთია იმ ათასობით ადამიანს შორის, რომელიც კორონაპანდემიის გამო საკუთარ საქმიანობას ჩამოშორდა და შემოსავლის წყაროც დაკარგა. ზოე სამეგრელოდანაა და სწავლის პარალელურად თბილისის კაფე-ბარებში, რესტორნებსა და კლუბებში ბენდთან ერთად მღეროდა. პანდემიამ კი გეგმები ჩაუშალა და იძულებული გახდა მშობლიურ ქალაქში დაბრუნებულიყო. თუმცა ახალგაზრდა მომღერალი ოპტიმიზს არ კარგავს და ამბობს, რომ ახალი ვირუსის გავრცელების გამო შექმნილ ახალ რეალობაში დადებითი მხარეების დანახვა შესაძლებელია.

,,ამ ვირუსმა დაშალა ყველაფერი, რაც ამდენი წელი ვაშენეთ, ხუთი წლის განმავლობაში ერთად ვიყავით მე და ჩემი ბენდი „ლეიდიბერდი’’და ვქმნიდით იმას, რასაც საბოლოო ჯამში ბენდი ეწოდა. ეგ იყო ჩვენი შემოსავლის წყარო, მაგაზე ვიყავით დამოკიდებულები და საკმაოდ კარგი შემოსავალი გვქონდა. სამსახური დავკარგე, ჩავიკეტე სახლში, მაქსიმალურად ინტროვერტი გავხდი, უბრალოდ ერთი კარგი დადებითი ის ქონია ამ ვირუსს, რომ ოჯახთან ერთად ვატარებ დიდი ხანია დროს’’, - გვიყვება ბენდ LADYBIRD - ის ერთ - ერთი ვოკალისტი ზოე ცქვიტაია.

,,ლეიდიბირდი’’, რომელიც ექვსი წევრისგან შედგება (დიმიტრი ბერძენიშვილი - კლავიში, დავით ჩხიკვიშვილი-გიტარა, ირაკლი ზიბზიბაძე-ბას გიტარა, ვაჟა ბექაური-დრამი, თინანო მეგრელიძე-ვოკალი, ზოე ცქვიტაია -ვოკალი) ხუთი წელია უამრავი ადამიანის საყვარელი ბენდია. მათი რეპერტუარი მოიცავს მუსიკალური ლეგენდების საინტერესო ქავერებს.

პანდემიამდე ბენდი საქართველოს რეგიონებში მოგზაურობდა და მართავდა ლაივ კონცერტებს, ხშირად კი თავიანთ საყვარელ მსენელეს დედაქალაქის ერთ - ერთ ელიტურ „ჰარდ როკ კაფეში“ ხვდებოდა. პირველად, გაზაფხულზე გამოცხადებული შეზღუდვების დროს უმუშევარი დარჩა და შეიცვალა მისი ცხოვრების რიტმიც.

,,თბილისში როდესაც ხარ ბინის ქიარას, გადასახადებს იხდი, იქ ცხოვრობ, დაკავებული ხარ, ბევრი რამის კეთება გიწევს, ეს ყველაფერი რომ წამერთვა, რაზე დავრჩენილიყავი, სახლში ხომ არ ვიჯდებოდი, წამოვედი აქით მშობლებთან, ოჯახი რომ არ მყოლოდა და ესენი არ ყოფილიყვნენ არ ვიცი მართლა რა იქნებოდა’’, - უყვება რადიო ,,ათინათს’’ მომღერალი.

როგორც ამბობს ბოლოს, დიდ სცენაზე სექტემბერში იმღერა, მას შემდეგ, როგორც ყველა მომღერალი, დღემდე სახლშია.

,,სიმღერას გადავეჩვიე, სახლში სიმღერა თითქოს არაფერი არ არის... გართობის მხრივ რაღაცას თუ ჩავწერ და ინტერნეტში გამოვაქვეყნებ, თუმცა ხშირად არა, მაქსიმუმ კვირაში ერთხელ შეიძლება ვიმღერო'', - გვითხრა ზოემ.

მუსიკოსი გვიყვება, რომ მთავრობის მიერ უმუშევრობისთვის გამოყოფილ დახმარებას ვერ მიიღებს, რადგანაც ჰონორარი საბანკო ანგარიშზე არ ერიცხებოდა.

,,ძირითადად ხელზე ვიღებდი ჰონორარს და ზოგჯერ პირადი გადარიცხვით მირიცხავდნენ, ხელშეკრულებები უნდა წარმედგინა, რაც არ მქონდა, პანდემიამდე რომ ვმუშაობდი მაგის გაგება ნამდვილად მარტივია, თუმცა .... რას იზამ’’,
- თქვა მან.

ზოე ამბობს, რომ ბენდის სხვადასხვა პროფესიის მქონე წევრებიდან, ნაწილმა დასაქმება მოახერხა, მეორე ნაწილმა კი სამსახური დღემდე ვერ იშოვა.

,,ჯოჯოხეთური შრომა დასჭირდება ისევ საზოგადოებაში გასვლას, მინდა რომ საავტორო მუსიკა გავაკეთო ჯგუფთან ერთად, რამდენად დამთანხმდებიან არ ვიცი, ამაზე ჯერ არ გვილაპარაკია, მათთვისაც ისევე მნიშვნელოვანია მუსიკა, როგორც ჩემთვის’’,
- გვითხრა მან.

მომღერალი პროფესიის შეცვალზე არ ფიქრობს, თუმცა იზოლაციის დროს მიღებულ ცოდნას და გამოცდილებას კორონავირუსის შემდგომი პერიოდისთვის გამოიყენებს.

Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
სამეგრელოში 6 კოვიდმიმღებ კლინიკაში ამ დროისთვის 226 ინფიცირებულია მოთავსებული, მათგან 11 პაციენტის ჯანმრთელობის მდგომარეობა მძიმეა.
სამეგრელოში კორონავირუსის ინფექციით ბოლო 24 საათის განმავლობაში კიდევ ორი პაციენტი გარდაიცვალა.
უწყებათაშორისი საკოორდინაციო საბჭოს ინფორმაციით, გასულ 24 საათში ქვეყნის მასშტაბით კორონავირუსზე 6 122​ ადამიანი გამოკვლიეს და გამოვლინდა ინფიცირების 469 ახალი შემთხვევა.
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ამავე კატეგორიაში
დღის სიახლეები
20 / იანვარი 2021
ენგურჰესის ჰიდროელექტროსადგური სარეაბილიტაციო სამუშაოების გამო, დაახლოებით, ერთი საათის წინ გაჩერდა. ამის შესახებ რადიო "ათინათს" ენგურჰესის პრესსამსახურიდან აცნობეს.
20 / იანვარი 2021
ხმაური და დაპირისპირება იყო სამხარეო ადმინისტრაციასთან გამართულ აქციაზე, სადაც შეკრებილებმა სამეგრელო-ზემო სვანეთის გუბერნატორის მოვალეობის შემსრულებელთან შეხვედრა მოითხოვეს.
20 / იანვარი 2021
გაგრაში, მდინარე ჟოეკვარაში რუსეთის ფედერაციის მოქალაქეს ეძებენ. აფხაზეთის დე ფაქტო რესპუბლიკის საგანგებო სიტუაციების სამინისტროს ინფორმაციით, დაკარგული ქალის შესახებ ინფორმაცია,
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 1 °C
img
სოხუმი 1 °C
img
ფოთი 1 °C
img
მესტია -9 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.