მულტიმედია
აფხაზეთიდან დევნილი ქალის ხელნაკეთი ნამუშევრები და "პანდემიის ეფექტი'' (ფოტო/ვიდეო)
აფხაზეთიდან დევნილმა 37 წლის დიანა ფასანძემ ყოველდღიური რუტინისგან გათავისუფლება და ცხოვრების გახალისება ცოტა ხნის წინ საყვარელი საქმის კეთებით გადაწყვიტა. ბავშვობაში ნასწავლი ხელსაქმე გაიხსენა და თავდაპირველად ქუდების ქსოვა დაიწყო, შემდეგ კი დეკორატიული ნივთების და აქსესუარებს დამზადებას მიჰყო ხელი. ამბობს, რომ უნარები ინტერნეტის საშუალებით გაიუმჯობესა და ლარნაკებს, ჩარჩოებს და სხვა დეკორატიული ნივთებს უკვე მხოლოდ საკუთარი ფანტაზიით ქმნის. თვითნასწავლი ოსტატი პროდუქციის გასაკეთებლად, ძირითადად, ჯვალოს, კანაფის ძაფს და თექას იყენებს.

"კერვაც მეხერხება, მინდა დავამზადო პატარა სასაჩუქრე ქისები ბავშვებისთვის, მაგრამ ვერ ვაკეთებ რადგან არც საკერავი მანქანა მაქვს და არც სხვა საჭირო მასალა. მიყვარს ხელნაკეთი ნივთები და ჩემს შექმნილს რომ ვუყურებ ძალიან მომწონს. ნამუშევრების მომზადებისას ერთადერთი იარაღი არის ცხელი წებო და ჩემი ხელები", - ამბობს ის.

დიანა პროფესიით ინგლისური ენის ფილოლოგია, მაგრამ ახლა ხელსაქმე მისი ძირითადი საქმიანობაა. გარდა განტვირთვისა და სიახლის ძიებისა მისთვის ეს საქმე შემოსავლის წყაროდაც იქცა. ხელნაკეთი ნივთების გაყიდვა ჯერ ადგილობრივ მაღაზიებში დაიწყო. პანდემიის დაწყების შემდეგ კი ნივთების რეალიზაცია სოციალურ ქსელში გააგრძელა.

"პანდემიამდე 2-3 მაღაზიაში დამქონდა ჩემი ნივთები, სადაც მეხმარებოდნენ რეალიზაციაში. დღეს ეს მაღაზიები დაკეტილია და ვერ ვსარგებლობ, თუმცა ახლა სოციალური ქსელის მეშვეობით ვახდენ რეალიზაციას",
- გვითხრა დიანა ფასანძემ.

ხელსაქმის ოსტატი ამბობს, რომ კოვიდპანდემიის შემდეგ მისი ნამუშევრები ინტერნეტში უფრო ცნობადი გახდა. აქვს ფეისბუქ გვერდი, სადაც მისი ხელნაკეთი ნივთების ფოტოებია განთავსებული. პროდუქციის ფასი 5-დან 50 ლარამდე მერყეობს.

"პანდემიის შემდეგ ინტერნეტის მეშვეობით უფრო ცნობადი გავხდი. ვსარგებლობ სხვადასხვა ინტერნეტ გაყიდვების გვერდით. მაგალითად, არის ასეთი ჯგუფები "ხელსაქმის მოყვარულთა ჯგუფი", "ქსოვის მოყვარულთა ჯგუფი", "გარდერობი ზუგდიდი", სადაც შემიძლია დავდო ყველა ჩემი ნივთი, ასევე მწერენ პირადში და ვსარგებლობ ამ გვერდებით",
- თქვა მან.

დიანა ამბობს, რომ ამ პერიოდში განსაკუთრებით მოთხოვნადია ნაძვის ხეები და ნაქსოვი ქუდები, თუმცა შეკვეთების შესრულებას საკმარისი ხელსაწყოების არქონისა და დახურული მაღაზიების გამო დროულად ვერ ახერხებს.

"ბევრი შეკვეთა მაქვს, მაგრამ საკანცელარიო მაღაზიებიც დაკეტილია, მჭირდება ძაფები და ვერ ვყიდულობ", - აღნიშნა მან.

მომავალში საქმიანობის გაფართოებას და პროდუქციის გამრავალფეროვნებას გეგმავს. სურს ფარდები, ჩანთები და მაგიდის გადასაფარებლები შეკეროს. ამისთვის კი ინდმეწარმედ დარეგისტრირებას და დაფინანსების მოპოვებას შეეცდება.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 23 °C
img
სოხუმი 19 °C
img
ფოთი 18 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.