მულტიმედია
საკუთარი გვარის ისტორიის ძიებაში სამეგრელოში ჩამოსული უკრაინელი (ფოტო/ვიდეო)
იმ ასაკიდან, როდესაც გააცნობიერა, რომ უცნაური და საკუთარი ქვეყნისთვის არატიპური გვარის მატარებელია, 29 წლის უკრაინელმა, პატარა ქალაქ კოპეჩინცის მერმა ბოგდან კელიჩავიმ, საკუთარი გვარის წარმომავლობის კვლევა დაიწყო. მისი ამჟამინდელი გვარიც გადაკეთებულია და როგორც ყვება, მას დღემდე ან არასწორად წარმოთქვამენ ან დამახინჯებულად წერენ. ოჯახში კი ყველამ იცის, რომ ისინი კალიჩავები იყვნენ. ამბავი კი ასე მოხდა:


"როდესაც ჩემი ბაბუა ჯარში მსახურობდა, მისი გვარი იყო კალიჩავა და მისი წინაპრების გვარიც ასეთი იყო. როდესაც ის საბჭოთა ფლოტში მსახურობდა, მას სულ ეკითხებოდნენ, რატომ ჰქონდა მის გვარს "ქალური" (მდედრ. სქესის) დაბოლოება და მაშინ გადააკეთეს გვარი, ასე გახდა კელიჩავი", - ყვება ბოგდანი.

გადმოცემით მხოლოდ ის იცის, რომ მისი წინაპრები მეორე მსოფლიო ომის დროს პოლონეთიდან უკრაინაში იძულებით გადაასახლეს, დაატოვებინეს სახლი და ყველაფერი, რაც გააჩნდათ. სრულიად უცხო გარემოში თავიდან მოუხდათ ცხოვრების აწყობა, ერთადერთი, რაც შემორჩათ - გვარი იყო, რომლის ისტორიის შესასწავლად, იმ პირობებში, არავის ცხელოდა.

გვარის ისტორიის და წარმომავლობის გარკვევის სურვილით, ბოგდანმა დნმ-ტესტიც კი ჩაიტარა, რომელიც მეუღლემ, მარიამ აჩუქა. ტესტმა უჩვენა, რომ მისი წარმომავლობის 50% შესაძლოა აღმოსავლეთი ევროპას, დანარჩენი კი ბალტიის ქვეყნებს და ბალკანეთს უკავშირდებოდეს. ასე რომ, მისი კითხვები ისევ პასუხგაუცემელი იყო და ხელჩასაჭიდი მხოლოდ გვარი რჩებოდა.  

ერთხელაც, ევროპაში ყოფნისას, ქართველები გაიცნო, რომლებმაც უთხრეს, რომ შესაძლოა ეს ქართული გვარი იყოს, რადგან ყალიჩავა საქართველოში, სამეგრელოს რეგიონში, საკმაოდ გავრცელებული გვარია. ესტონეთში სწავლისას, კი ისე მოხდა, რომ უკვე უშუალოდ სამეგრელოში მცხოვრებ ყალიჩავასთან დააკავშირეს.

"არჩილ ჩოჩია გავიცანი, უნივერსიტეტში მუშაობს, მან მითხრა, აი შეხედე, შენი გვარი, დიდი ალბათობით, სწორედ აქედანაა და ამ გვარის ერთ ადამიანსაც ვიცნობ - რუსუდან ყალიჩავას. გარკვეული დროის შემდეგ მე დავუკავშირდი რუსუდანს და ჩვენს შორის მიმოწერა დაიწყო. აი, ამ დროიდან, სულ უფრო მეტ ინფორმაციას ვიღებდი იმის შესახებ, თუ რას შეიძლება ნიშნავდეს ეს გვარი და უკვე ვიცოდი, რომ ამ რეგიონში ამ გვარის მატარებელი ბევრი ადამიანი ცხოვრობს, რაც მანამდე არსად შემხვედრია", - გვიყვება ბოგდანი.

ამის შემდეგ მოვლენები უფრო სწრაფად განვითარდა. მალევე დაგეგმეს მოგზაურობა საქართველოში. მაისის უქმეებზე ცოლ-ქმარი სამეგრელოში, ზუგდიდში ჩამოვიდა და მათ სწორედ მიმოწერით გაცნობილმა რუსუდან ყალიჩავას ოჯახმა უმასპინძლა. მეუღლისგან გასხვავებით, ბოგდანი საქართველოში 7 წლის წინათაც იყო ნამყოფი, ერასმუსის გაცვლითი პროგრამის ფარგლებში, თუმცა, მხოლოდ ქობულეთსა და თბილისში.

"იმას, რომ ეს ჩვენი მოგზაურობის ეპიცენტრი გახდებოდა, ნამდვილად არ ვიფიქრებდით. მაგრამ, ასე მოხდა, რადგან ყველაზე დიდი შთაბეჭდილებები სწორედ აქ მივიღეთ... ახლა შემიძლია ვთქვა, რომ ეს იყო ჩვენი მოგზაურობის მთავარი ამბავი, ამას ნამდვილად არ ვგეგმავდით, არც ველოდით, რომ ასე თბილად მიგვიღებდნენ...ასე რომ ეს ყველაფერი, ძალიან დიდი გარღვევაა ჩემს ცოდნაში. იმიტომ რომ მანამდე, არავინ არაფერი იცოდა ამის შესახებ. ახლა კი ვიცით, რომ ჩხოროწყუში არის გორაკი და იქ დგას ტაძარი და ყალიჩავების საგვარეულო სასაფლაო... უკვე ვიცით, რომ ზუგდიდში ამდენი აქტიური ყალიჩავა ცხოვრობს, ადამიანები, რომლებიც თანამედროვე ისტორიას ქმნიან და ეს ორმაგად სასიამოვნოა, უკვე რაღაც ფაზლი აეწყო ჩემთვის", - ამბობს უკრაინელი კელიჩავი.  

გარდა მოგვარეების გაცნობისა და სამეგრელოს ღირშესანიშნაობების დათვალიერებისა, კოპეჩინცის მერი ზუგდიდის მერსაც შეხვდა. მერობამდე ის USAID-ის მიერ დაფინანსებულ ორგანიზაციაში, მუნიციპალიტეტების დეცენტრალიზაციის რეფორმაზე მუშაობდა და ამდენად, ზუგდიდის გამოცდილებითაც დაინტერესდა. გარდა ამისა, სხვადასხვა არასამთავრობო ორგანიზაციების მუშაობას გაეცნო და ენგურის ხიდთანაც მივიდა.

"კოპეჩინცი, ეს არის გაერთიანებული მუნიციპალიტეტი, ქალაქი და 12 სოფელია, 13 500 მოსახლით, გაცილებით ნაკლები ზუგდიდზე. საშუალო სტატისტიკური მუნიციპალიტეტია უკრაინაში... ჩემთვის საინტერესო იყო, თუ როგორ მიმდინარეობს რეფორმა აქ, როგორ ივსება მუნიციპალიტეტის ბიუჯეტი, რა სტრატეგიას ირჩევს მერი... ძალიან მომწონს თქვენი რეგიონის სტრატეგიული მისია, ალბათ მთელი საქართველო გულშემატკივრობს იმას, რომ აქ ყველაფერი იყოს კარგად, განვითარდეს. ალბათ უკრაინაშიც რომ იცოდნენ ასე დეტალურად ამის შესახებ, აუცილებლად უგულშემატკივრებენ ამ რეგიონს, რომ იყოს შერიგების პროცესი, მეტი ურთიერთობები, თანხმობა. ჩვენთან არის ახლა მსგავსი სიტუაცია, ჩვენც გვჭირდება წინ გადადგმული ნაბიჯები", - აღნიშნა მან.

სამეგრელოში სტუმრობის შემდეგ ბოგდან კელიჩავი ფიქრობს, რომ მომავალში უკეთ შეძლებს რეგიონის გაცნობას და ეს კონტაქტები აუცილებლად გაგრძელდება, მათ შორის, ახლად გაცნობილ მოგვარეებთან.

ასევე, ის დარწმუნებულია, რომ ქალაქების დამეგობრების და ურთიერთდახმარების შესაძლებლობებიც გაჩნდება, რადგან უკვე ერთგვარი განცდაც გაუჩნდა, რომ ეს მისი სამშობლოც არის.







Print Email
FaceBook Twitter
რ ე კ ლ ა მ ა
სამეგრელოს თხილის პლანტაციებში აზიური ფაროსანას პოპულაციამ გამრავლება დაიწყო. ამასთან, შეინიშნება სხვადასხვა დაავადების, მათ შორის, ბაქტერიოზისა და ნაცრის გავრცელება.
ზუგდიდის მუნიციპალიტეტის მერის მოვალეობის შემსრულებელმა კონსტანტინე კაკავამ და საკრებულოს თავმჯდომარე მამუკა წოწერიამ, ეგრისის ადმინისტრაციულ ერთეულში, ჩიქოვანის ქუჩაზე, მრავალბინიანი საცხოვრებელი სახლების ეზოების  კეთილმოწყობის სამუშაოები დაათვალიერეს.
ზუგდიდის მუნიციპალიტეტის მერიამ მიმდინარე წელს, სოციალურად დაუცველი ოჯახებისთვის საპილოტე პროგრამა, უფასო გაზიფიცირება ოჯახებს დაიწყო - ამის შესახებ ინფორმაციას ზუგდიდის მუნიციპალიტეტის მერია ავრცელებს.
კორონავირუსი
სოხუმმა კორონავირუსით ინფიცირების 103 ახალი შემთხვევა დაადასტურა. აფხაზეთის დე ფაქტო რესპუბლიკაში შექმნილი ოპერატიული შტაბის ინფორმაციით, Covid-19-ით
ამ დროისთვის, სამეგრელოს ხუთ კოვიდმიმღებ კლინიკაში 200-მდე პაციენტი მკურნალობს, მათგან 5-ის მდგომარეობა მძიმეა, საშუალო სიმძიმის - 40.
Stopcov.ge-ზე გამოქვეყნებული ინფორმაციის თანახმად, ბოლო 24 საათში გამოვლინდა ვირუსით ინფიცირების 811 ახალი დადასტურებული შემთხვევა, მათგან 50 სამეგრელო-ზემო სვანეთში დაფიქსირდა.
საზოგადოება
2015 წლის 13 ივნისს თბილისში მომხდარი ტრაგედიიდან  ექვსი წელი გავიდა. სტიქია მდინარე ვერეს ადიდებამ და ბეთანიის გზაზე წარმოქმნილმა მძლავრმა მეწყერმა გამოიწვია.
მართლმადიდებელი ეკლესია დღეს მაცხოვრის ამაღლებას ზეიმობს. დღესასწაულთან დაკავშირებით ტაძრებში სადღესასწაულო წირვა-ლოცვა აღსრულდება.
საქართველო, უკრაინა და კოსოვო პირველი სამი ევროპული ქვეყანაა, რომელიც კორონავირუსის საწინააღდეგო ვაქცინას შეერთებული შტატებისგან მიიღებს.
ამავე კატეგორიაში
დღის სიახლეები
16 / ივნისი 2021
2021 წლის მასწავლებლის ეროვნული ჯილდოს საუკეთესო ათეულში მესტიის სკოლის მასწავლებელიცაა.
16 / ივნისი 2021
სოხუმმა კორონავირუსით ინფიცირების 103 ახალი შემთხვევა დაადასტურა. აფხაზეთის დე ფაქტო რესპუბლიკაში შექმნილი ოპერატიული შტაბის ინფორმაციით, Covid-19-ით
16 / ივნისი 2021
სამეგრელოს თხილის პლანტაციებში აზიური ფაროსანას პოპულაციამ გამრავლება დაიწყო. ამასთან, შეინიშნება სხვადასხვა დაავადების, მათ შორის, ბაქტერიოზისა და ნაცრის გავრცელება.
მთავარი საინფორმაციო გამოშვება
არქივი
«« ივნისი 2021 »»
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1234
ამინდი
ზუგდიდი 20 °C
img
სოხუმი 21 °C
img
ფოთი 21 °C
img
მესტია 20 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.