მულტიმედია
თვითდასაქმებული ახალგაზრდა რეაბილიტოლოგი აფხაზეთიდან (ფოტო/ვიდეო)
მას შემდეგ, რაც პანდემია დაიწყო, აფხაზეთიდან დევნილმა ნათია ეხვაიამ გადაწყვიტა, თავისი სამუშაო სივრცე მთლიანად შეეცვალა. მისი პატარა სარეაბილიტაციო გამაჯანსაღებელი ცენტრისთვის, კარანტინის პერიოდში, ფინანსურ პრობლემებთან გამკვლავება რთული აღმოჩნდა, თუმცა გამოსავალი მაინც იპოვა. ნათიამ გამაჯანსაღებელი ცენტრი ზუგდიდში, სახლის ეზოში მოაწყო.

,,იჯარით მქონდა აღებული ქალაქის ცენტრში ფართი, სადაც გახსნილი მქონდა გამაჯანსაღებელი ცენტრი. პანდემიის პერიოდში მოგვიწია ცენტრის დახურვა და სახლში, სადაც მქონდა ცალკე შენობა, გავალამაზეთ ეს ფართი და როცა მოიხსნა „ლოკდაუნი“ და მოგვეცა შესაძლებლობა, დავიწყეთ ახალ ფართში ახალ მისამართზე მუშაობა’’, - გვიყვება ნათია.


ნათიას მოწყობილ ოთახში ჯერ მხოლოდ რამდენიმე საჭირო ატრიბუტია: ფიტნეს სავარჯიშო ბურთი, სავარჯიშო სკამი, შვედური კედელი. მათ შორისაა ახალი თანამედროვე სამედიცინო აპარატი, რომელიც მისი თქმით, სხეულზე ცელულიტის დაშლას და წონის კლებას ეხმარება.

,,ეს აპარატურა პანდემიისას შევიძინეთ. ამ შეზღუდვების პერიოდში, ადამიანები ძალიან პასიურ ცხოვრებას ეწეოდნენ, წონის პრობლემამაც მეტი ადამიანი შეაწუხა. გამიჩნდა იდეა, რომ ახალი აპარატი შემეძინა, რომელიც დამეხმარებოდა და გამიადვილებდა მუშაობას. ახლა არის ზაფხულის პერიოდი, სახის ლიფტინგს არ ვაკეთებთ და მხოლოდ შემოვიფარგლებით სხეულის კორექციით, არის ძალიან ეფექტური და პირველივე პროცედურაზე შესამჩნევია შედეგი’’, - ამბობს ახალგაზრდა რეაბილიტოლოგი.

მისი სამუშაო დღე დილის 8 საათზე, ზოგჯერ კი უფრო ადრეც იწყება და გვიან საღამომდე გრძელდება. დღეში ოცდაათამდე პაციენტს ემსახურება. მათგან ნაწილის სამკურნალო-გამაჯანსაღებელ მასაჟზეა, ნაწილი - სარეაბილიტაციო ვარჯიშებზე. ამბობს, რომ ამგვარი დატვირთვისთვის ყოველთვის მზადაა, თუმცა ახლანდელ მცირე ფართში, კოვიდის გამო, პაციენტებს ერთდროულად მაინც არ იღებს.

,,დღის სხვადასხვა მონაკვეთში ვიბარებ პაციენტებს, რომ ერთმანეთთან შეხება არ ჰქონდეთ მათ. უკვე მოდიან ჭარბწონიანებიც. ჭარბი წონა ძალიან მასობრივი გახდა, გამომდინარე იქიდან, რომ ცხოვრების რიტმი აბსოლუტურად შეიცვალა, მჯდომარე პოზიციაში როცა უწევთ მუშაობა, ეს არის ძალიან რთული და დამანგრეველი ჯანმრთელობისთვის. მოზარდებშიც გახშირდა ჭაბრწონიანობა და ხერხემლის პრობლემა’’, - გვიყვება ნათია.

ამბობს, რომ საქმეს დიდი მონდომებით აკეთებს, თუმცა აღიარებს, რომ ეს საქმე დიდ ფიზიკურ შრომასთან ერთად სერიოზულ ფინანსებსაც მოითხოვს.

,,ლტოლვილთა დანიის საბჭოს პროექტში მივიღე მონაწილეობა, როგორც აფხაზეთიდან დევნილმა და გამომიყვეს 2 000 ევრო. პროექტი გულისხმობს დევნილების ხელშეწყობას გარკვეულ საქმიანობასთან დაკავშირებით და რახან მე მჭირდება ინვენტარის განახლება, ეს თანხა ძალიან დამეხმარება. აბსოლუტურად ყველაფრის განახლება მომიწევს, უკვე შეძენილია ტექნიკა და დღე დღეზე ველოდები’’.

ნათია გვეუბნება, რომ სულ ახლის ძიებაშია და ბევრს სწავლობს, რადგან ძალიან უნდა, რომ თავისი პაციენტებისთვის კიდევ მეტი გააკეთოს.

სამომავლოდ, გაფართოებას და სხვების დასაქმებასაც გეგმავს. სურს შექმნას ცენტრი, რომელშიც საერთაშორისო სტანდარტების შესაბამისი სამედიცინო მომსახურეობის მიღება შესაძლებელი იქნება.



Print Email
FaceBook Twitter
რ ე კ ლ ა მ ა
ზუგდიდში სპორტული კომპლექსის მშენებლობა აქტიურად მიმდინარეობს. სამშენებლო სამუშაოები ზუგდიდის მუნიციპალიტეტის მერის მოვალეობის შემსრულებელმა კონსტანტინე კაკავამ და ზუგდიდის მაჟორიტარმა დეპუტატმა საქართველოს პარლამენტში ირაკლი ჩიქოვანმა დაათვალიერეს.
აღმაშენებლის ქუჩაზე გზის სარეაბილიტაციო სამუშაოები ხორციელდება.
ტერაბანკი სააგენტოს „აწარმოე საქართველოში“ პროექტის მონაწილეებისთვის შეღავათიანი ბიზნესსესხების შეთავაზებას იწყებს.
კორონავირუსი
სამეგრელო-ზემო სვანეთის სამხარეო ადმინისტრაციის ცნობით, ამ ეტაპზე რუხის კლინიკაში 158 პაციენტი მკურნალონს, მათგან 32-ის ჯანმრთელობის მდგომარეობა მძიმეა.
Stopcov.ge-ზე გამოქვეყნებული ინფორმაციის თანახმად, ბოლო 24 საათში გამოვლინდა ვირუსით ინფიცირების 2016 ახალი შემთხვევა, აქედან 188 სამეგრელო - ზემო სვანეთში.
გასული დღე-ღამის განმავლობაში აფხაზეთში კორონავირუსზე ტესტირება 433 ადამიანს ჩაუტარდა და გამოვლინდა ინფიცირების 103 ახალი შემთხვევა. ინფორმაციას ოპერატიული შტაბი ავრცელებს.
საზოგადოება
ქართველმა მოჭადრაკემ, ნონა გაფრინდაშვილმა Netflix-ის უჩივლა, – ამის შესახებ ინფორმაციას „ნიუ იორკ თაიმსი“ ავრცელებს.
ხვალიდან, 25 აგვისტოდან კვების ობიექტები 23:00 საათის ნაცვლად 22:00 საათამდე იმუშავებენ. შესაბამისი გადაწყვეტილება საკოორდინაციო საბჭომ მიიღო.
„ეროვნულ-დემოკრატიული ინსტიტუტისა“ და CRRC-საქართველოს მიერ დღეს გამოქვეყნებული კვლევის შედეგების თანახმად, გამოკითხულთა 52% მთავრობის
ამავე კატეგორიაში
დღის სიახლეები
22 / სექტემბერი 2021
სამეგრელო-ზემო სვანეთის სამხარეო ადმინისტრაციის ცნობით, ამ ეტაპზე რუხის კლინიკაში 158 პაციენტი მკურნალონს, მათგან 32-ის ჯანმრთელობის მდგომარეობა მძიმეა.
22 / სექტემბერი 2021
Stopcov.ge-ზე გამოქვეყნებული ინფორმაციის თანახმად, ბოლო 24 საათში გამოვლინდა ვირუსით ინფიცირების 2016 ახალი შემთხვევა, აქედან 188 სამეგრელო - ზემო სვანეთში.
22 / სექტემბერი 2021
ახალკახათის ტერიტორიაზე წუხელ, გვიან ღამით მომხდარი ავტოსაგზაო შემთხვევის შედეგად ერთი ადამიანი დაიღუპა.
გემრიელი ისტორიები
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 20 °C
img
ფოთი 19 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.