მულტიმედია
როგორ ვისწავლოთ კითხვა სამ ენაზე - 5 წლის სოფიას გასართობი პანდემიისას (ფოტო/ვიდეო)
სოფია ხასაია 5 წლის იყო, როდესაც პანდემია დაიწყო. კორონავირუსის გავრცელების შემდეგ, როგორც ყველას, მასაც თანატოლებთან და ნათესავებთან ურთიერთობა შეეზღუდა. მერე, პანდემია იმდენ ხანს გაგრძელდა, რომ იზოლაციის პერიოდში ჯერ მშობლიური ანბანი ისწავლა, შემდეგ კი ინგლისურ და რუსულ ენებზე წერა-კითხვა.
,,როგორც ყველა, ჩვენც ვისხედით სახლში. ბავშვები ძირითადად ეზოში თამაშობდნენ, სკოლა, ბაღი დაიკეტა. ვეღარსად გამყავდა გასართობად, დიდ დროს სახლში ვატარებდით ერთად, ამიტომ დავიწყეთ ენების შესწავლა, უფროსმა დამ ქრისტიმ კარგად იცის, ინგლისური და რუსული, სკოლაშიც კარგად სწავლობს და წერა - კითხვა ასწავლა დაიკოს ’’, - გვითხრა სოფიას მამამ, კობა ხასაიამ.

უფროსმა დამ, 13 წლის ქრისტინამ, რომელიც დიდხანს ონლაინგაკვეთილებს ესწრებოდა, ძალიან მოინდომა და პატარა სოფიას, ლოქდაუნის დროს, თავისი ცოდნა მარტივად გაუზიარა.

,,არც ისე რთული იყო ეს პროცესი, სოფია ყველაფერს მიჯერებდა, მარტივად, გართულებების გარეშე შევძელით გვესწავლა და გამოგვივიდა ’’, - მორიდებით გვითხრა ქრისტინამ.

მოგვიყვა, რომ დღის განრიგი გადააწყო და ყოველდღე დაახლოებით ორი საათი ამეცადინებდა დას. რამდენიმე დღეში სოფიას უცხო სიტყვების მიმართ ინტერესი გაუჩნდა. დროთა განმავლობაში სიტყვების მარაგი დაუგროვდა, დღეს კი 500 - მდე ინგლისური და რუსული სიტყვა იცის.

სწავლა-განათლების პროცესში მამაც ჩაერთო და შვილს ენის ადვილად ასათვისებლად საგანმანათლებლო შინაარსის მულტფილმებს აყურებინებდა.

ახლა, როცა, გარეთ გასვლა და თანატოლებთან თამაში უფრო შეუძლია, თავისუფალ დროს ეზოში მეგობრებთან ერთობა, ამბობს, რომ უყვარს ხატვა, ყვავილები და ცხოველები.

გვიყვება რომ კითხვა სიამოვნებს და გერმანული სწავლაზეც ფიქრობს.

სოფია ამბობს, რომ როცა გაიზრდება ექიმი გამოვა და ვინც ცუდად გახდება, ყველას დაეხმარება.

,,ვკითხულობ, ბევრს ვმეცადინეობ, მინდა რომ ექიმი გამოვიდე და გაჭირვებულებს დავეხმარო’’.

45 წლის კობა ხასაია ორ ქალიშვილს 5 წელია მარტო ზრდის, დედა საზღვარგარეთ ემიგრაციაშია და ოჯახს ეკონომიურად ეხმარება. ბავშვებს კი რამდენიმე წელია ვიდეოზარით ეკონტაქტება.

,,ხუთი წელი გავიდა, რაც მარტო ვზრდი ბავშვებს, მეუღლე ემიგრაციაშია საზღვარგარეთ სამუშაოდ წასული. დედა ყოველდღე ინტერნეტით რეკავს, სოფია, ქრისტი, თავის წარმატებებს უყვებიან, ეკონომიკურად გვეხმარება, ცოტა ძნელი კი არის, მაგრამ რას ვიზამთ? მამაკაცისთვის ძალიან ძნელია მარტო ბავშვების აღზრდა. საოჯახო საქმეებს ძირითადად მე ვაკეთებ, ბავშვები ერთობიან, კითხულობენ, მეცადინეობენ’’, - გვიყვება კობა ხასაია.
ის ამბობს, რომ მისი მეუღლე ძირითადად მოზარდების მატერიალურ და ფიზიკურ კეთილდღეობაზე ზრუნავს, თვითონ კი ცდილობს გოგონების შემოქმედებით, ემოციურ და ფსიქოლოგიურ მდგომარეობაზე იზრუნოს.

,,დედას ხშირად ველაპარაკები ვოთსაფით, როცა სცალია და ვუყვები ჩემს წარმატებებზე, ბევრი ფერადი სასკოლო ნივთები გამომიგზავნა, მინდა რომ მალე ჩამოვიდეს’’, - გვითხრა სოფიამ.

სოფია ამბობს, რომ ერთი სული აქვს როდის წავა საჯარო სკოლაში, სადაც ბევრი მოსწავლე და მასწავლებელია, ფიქრობს რომ ახალი გარემო ცოდნას, ხალისს და ბევრ მეგობარს შესძენს.









Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 13 °C
img
სოხუმი 10 °C
img
ფოთი 13 °C
img
მესტია 1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.