მულტიმედია
ანა ხოფერია - ავტობუსის მძღოლი ზუგდიდში, რომელიც სტერეოტიპებს ამსხვრევს (ფოტო/ვიდეო)
უკვე სამი თვეა, აფხაზეთიდან დევნილი ანა ხოფერია სამუშაო დღეს დილის 7 საათზე იწყებს და საღამოს 8-ზე ასრულებს. ის პირველი ქალია, რომელიც ზუგდიდში მუნიციპალური ტრანსპორტის - ავტობუსის მძღოლად მუშაობს და მგზავრების უსაფრთხო და კომფორტულ გადაადგილებაზეა პასუხისმგებელი.

ზუგდიდში ავტობუსის ერთადერთი ქალი მძღოლი ყოველ დილით განსაკუთრებულად ემზადება და ცდილობს, მგზავრებს პოზიტიური განწყობით დახვდეს. ხშირად სტერეოტიპულ აზროვნებასთან შეჯახება უწევს, თუმცა, ნელ-ნელა ეჩვევა და ამბობს, რომ ამაში მისი საქმისადმი სიყვარული ეხმარება.

,,ჩვენთან არის ასეთი სტერეოტიპი - ქალი როგორ ატარებს ამხელა ავტობუსს, მარტო კაცებს შეუძლიათ, მაგრამ შეუძლებელი ნამდვილად არ არის, ბევრად უფრო მარტივია, ვიდრე გვეჩვენება და ჩანს, უბრალოდ, ყურადღებასთან არის დაკავშირებული, შენი თვალით უნდა აღიქვა. უკანა სარკეებით, გვერდზე სარკეებით ვმუშაობთ, ჩემთვის მარტივია უკვე, თავიდან მეც ესე ვფიქრობდი, სანამ ამ ავტობუსზე არ დავჯდებოდი. მეგონა, რომ ძალიან ძნელი იყო და ვერ შევძლებდი, მაგრამ შეუძლებელი არ არსებობს არაფერი. თავიდან ძალიან არ სჯეროდათ, რომ მძღოლი ვიყავი, ქალიაო, ჩაილაპარაკებდნენ. მეკითხებოდნენ, მართვის მოწმობა თუ მქონდა... ახლა ხელს მიქნევენ, უფრო პოზიტიური განწყობაა, მეფერებიან ტკბილი, კარგი სიტყვებით’’,
- გვეუბნება ანა და გზას განაგრძობს.

დღეს ის მგზავრების კომბინატიდან ფაიფურამდე ემსახურება. ამ მარშრუტით გადაადგილება თვეში რამდენჯერმე უწევს და სურს, უფრო სრული დატვირთვით იმუშაოს. დეტალურად გვიხსნის, რა განრიგით უწევთ ზუგდიდელ მძღოლებს მთელი დღის განმავლობაში მუშაობა და რამდენად დიდი პასუხისმგებლობა აკისრია თითოეულ მათგანს.

სამთვიანი გამოცდილების შემდეგ ახალგაზრდა მძღოლი რადიო ,,ათინათთან’’ პირველ სამუშაო დღეს იხსენებს, რომელიც მისთვის ძალიან ემოციური იყო.

,,პირველ დღეს ვცდილობდი, რომ მომეთოკა ჩემი ემოციები, ჩავისუნთქავდი და ვაგრძელებდი გზას, მგზავრებზე გადამქონდა ძირითადად ყურადღება. პირველ დღეს, როცა მოვაბრუნე ავტობუსი, 8 მგზავრი იჯდა ჩემ უკან და ყველა ფეხზე იდგა, ალბათ, არ მენდობოდნენ, რადგან ქალი ვარ“,
- ამბობს ანა.
პროფესიით სამართალმცოდნემ ავტობუსის მძღოლობამდე რამდენიმე სამსახურში იმუშავა, თუმცა, საბოლოოდ, ავტობუსის მძღოლის მოსამზადებელი კურსები გაიარა და შესაბამისი მართვის მოწმობა აიღო. ტრანსპორტისადმი ინტერესი ბავშვობიდან ჰქონდა. მანამდე სურდა, ტრაილერი ემართა, მაგრამ საბოლოოდ არჩევანი ავტობუსის მძღოლობაზე შეაჩერა.

ამბობს, რომ ზუგდიდის ქუჩები მალევე აითვისა და ახლა ეს საქმე, გარდა იმისა, რომ შემოსავლის წყაროა, სიამოვნებას ანიჭებს. იმედოვნებს, რომ სტერეოტიპი, რომლის თანახმადაც, ავტობუსის მძღოლობა ქალის კი არა, „კაცის საქმეა“, მალე სრულად დაიმსხვრევა და ამაში მცირე წვლილი თავადაც შეაქვს.


Print Email
FaceBook Twitter
რ ე კ ლ ა მ ა
ევროპის გასტრონომიის, კულტურის, ხელოვნებისა და ტურიზმის საერთაშორისო ინსტიტუტის (IGCAT) ორგანიზებით ყოველწლიურად იმართება მოკლემეტრაჟიანი ფილმების საერთაშორისო კონკურსი " Food Film Menu".
,,ბერტა ფონ ზუტნერის მშვიდობის საერთაშორისო პრემია 2022 ახალგაზრდებისთვის“, რიგით მეოთხე დაჯილდოების ცერემონია, დადიანების სასახლეთა ისტორიულ-არქიტექტურული მუზეუმის ნიკოსეული სასახლის საგამოფენო დარბაზში დღეს გაიმართა.
ევროკომისიის აღმოსავლეთ სამეზობლოსთან ურთიერთობასა და ინსტიტუციური მშენებლობის საკითხებში დირექტორი ლორენს მერედიტი,
კორონავირუსი
14 აგვისტოდან 21 აგვისტოს ჩათვლით საქართველოში კორონავირუსი 12 595 ადამიანს დაუდასტურდა, მათგან სამეგრელო-ზემო სვანეთში 1158-ს. Covid 19-ით გარდაიცვალა კიდევ 6 პაციენტი.
ბოლო სტატისტიკის თანახმად, 7 აგვისტოდან 14 აგვისტოს ჩათვლით საქართველოში კორონავირუსი 12 338 ადამიანს დაუდასტურდა, მათგან 1 094 სამეგრელო-ზემო სვანეთში მცხოვრებია. გარდაიცვალა ვირუსით ინფიცირებული 6 პაციენტი.
დე ფაქტო აფხაზეთის ჯანდაცვის სამინისტროს პრესსამსახურის ინფორმაციით, ბოლო ორი დღის განმავლობაში კორონავირუსით ორი ადამიანი 87 და 37 წლის მამაკაცი გარდაიცვალა.
საზოგადოება
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
შინაგან საქმეთა სამინისტრომ საგზაო მოძრაობის უსაფრთხოების ხარისხის გაუმჯობესების მიზნით კანონპროექტები შეიმუშავა, რომლის თანახმადაც, მძღოლებისთვის გზაზე მოძრაობის წესები მკაცრდება.
ამავე კატეგორიაში
დღის სიახლეები
26 / სექტემბერი 2022
ევროპის გასტრონომიის, კულტურის, ხელოვნებისა და ტურიზმის საერთაშორისო ინსტიტუტის (IGCAT) ორგანიზებით ყოველწლიურად იმართება მოკლემეტრაჟიანი ფილმების საერთაშორისო კონკურსი " Food Film Menu".
26 / სექტემბერი 2022
საქართველოში ევროკავშირის სადამკვირვებლო მისიის ხელმძღვანელმა - ელჩმა მარეკ შჩიგელმა, სამეგრელოში ვიზიტისას, რადიო "ათინათს" ინტერვიუ მისცა.
26 / სექტემბერი 2022
აფხაზეთის დე ფაქტო რესპუბლიკის საგარეო საქმეთა სამინისტრო ენგურის ხიდთნ აქტივისტების მიერ გამართულ აქციას გამოეხმაურა და ამ ქმედებას "მორიგი პროვოკაცია" უწოდა, რომელიც "მიზნად ისახავს სიტუაციის დესტაბილიზაციას
დილის ჩართვა
მთავარი საინფორმაციო გამოშვება
არქივი
ამინდი
ზუგდიდი 26 °C
img
სოხუმი 24 °C
img
ფოთი 25 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.