მულტიმედია
ხარისხიანი ღვინის ძიებაში - როგორ მოაშენა ვაზის კოლხური ჯიშები წალენჯიხელმა სერგო ჭანტურიამ
სერგო ჭანტურიას მაშინ ვესტუმრეთ, როცა ოჯალეშის პირველი მოსავალი ჯერ დაწურა, შემდეგ კი ქვევრებში გადაიტანა. ეზოში მასპინძელთან ერთად მეზობლები და აფხაზეთიდან ჩამოსული ნათესავები გვხვდებიან. განწყობა ყველას საზეიმო აქვს, პროცესში მონდომებით ერთვება დიდიც და პატარაც, თან ოჯახის უფროსსაც ყურადღებით უსმენენ. ჩანს, რომ ღელავს. ოჯალეში 4 წლის წინ დარგო და გამორჩეულადაც უყვარს.პროფესიით ფინანსისტია და სამშენებლო ბიზნესითაა დაკავებული. გვიყვება, რომ რეგიონში ხარისხიანი ღვინის დეფიციტის პრობლემა მისთვის წლების განმავლობაში იყო აქტუალური, თუმცა, დაახლოებით, 5 წლის წინ საკითხით მეტად დაინტერესდა და შესაბამისი ცოდნაც გაიღრმავა."შინაგანად, ქვეცნობიერში, ის, რომ სამეგრელოსა და მეზობელ რეგიონებში კარგი ღვინის პრობლემა გადაუჭრელია, სულ მაწუხებდა. გადავწყვიტე, რომ ეს თემა ჩემთვის ყოფილიყო უფრო პრიორიტეტული. რა თქმა უნდა, ყველა საქმეს სჭირდება თეორიული განათლება და თავისუფალი უნივერსიტეტის მეღვინეობის აკადემიაში გადავწყვიტე სპეციალური პროგრამის გავლა. შევხვდი ადამიანებს, გამორჩეულ ამპელოგრაფებს, რომლებიც ქართული ღვინის საქმეს ელოლიავებიან".მოგვიანებით, მამაპაპისეულ ეზოში 20-მდე სახეობის კოლხური ვაზის ჯიში მოაშენა. ამბობს, რომ სამეგრელოს მევენახეობის განვითარებას დიდი პოტენციალი აქვს და ამისთვის რეგიონში შესაბამისი ადგილებიც მრავლადაა.

"მე ვიცოდი, რომ ეს იყო მევენახეობის ადგილი. აქვე ახლოსაა ჭკადუაში, მეღვინეობის დიდი ისტორიით, სადაც დადიან-მიურატები წურავდნენ ღვინოს და პარიზში ოქროს მედალი ჰქონდა მათ მიერ წარმოებულ ოჯალეშს მიღებული. მიუხედავად კლიმატური ვაკჰანალიისა და ივლის-აგვისტოში უზარმაზარი პრობლემებისა, ვენახმა საჩუქარი გაგვიკეთა და პირველი რთველი იყო არაჩვეულებრივი ხარისხის. ასევეა მარტვილი, ჩხოროწყუ, წალენჯიხის დიდი ნაწილი და ზუგდიდის რამდენიმე სოფელი, ლოკაცია, სადაც უზარმაზარი პოტენციალი აქვს ამ საქმეს".მეგრულ ვაზთან ერთად 4 აფხაზური ჯიშიც გაახარა - ამლახუ, აწნიჟი, აშუღაჟი და აჟყაფში - ამით განსაკუთრებით ამაყობს. ამასთან ოცნებობს კიდევ ერთი ჯიში - ავასირხვა მოაშენოს. გვეუბნება, რომ მეღვინეობის ტრადიციების შენარჩუნებას აფხაზეთშიც ცდილობენ და მზადაა, საკუთარი გამოცდილება ნებისმიერ მსურველს გაუზიაროს."ამ შემთხვევაში არ უნდა არსებობდეს არავითარი კონკურენცია - ამას უნდა შევხედოთ როგორც ერთიან საქმეს. დღეს ნახეთ, რომ 3 ადამიანი ჩამოვიდა, ხვალ 10 ჩამოვა. ასე მინდა იყოს ნამდვილად... დარწმუნებული ვარ, რომ ღვინო თავის საქმეს გააკეთებს, ეს მარადიულობის, იდენტობის, ნათესაობის და სიყვარულის სიმბოლოა ჩემთვის. ომის შემდგომ წლებში არაერთი მიმართულება არსებობს, რომელიც პრაქტიკულად მუშაობს, იქნება ეს ენერგოსისტემა, ჯანმრთელობის მიმართულება - მეღვინეობა კი არის ის, რაც ყველაზე უფრო ასახავს ჩვენი წინაპრების, წარსულის, საერთო ისტორიის თემას. ვფიქრობ, რომ ეს არის კიდევ ერთი, პატარა გასაღები დიდი ბოქლომის".
Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
ამავე კატეგორიაში
დღის სიახლეები
21 / ივნისი 2024
ხელოვნებისა და ტურიზმის განვითარების ცენტრ "ოდიშის" ორგანიზებით ზუგდიდში ფესტივალი "არტ-კოლხი" ჩატარდება.
21 / ივნისი 2024
ზუგდიდში, მუნიციპალიტეტის სკოლამდელ სააღმზრდელო დაწესებულებათა მართვის ცენტრს დაქვემდებარებულ ბაღებში აღსაზრდელების რეგისტრაცია 1 აგვისტოდან დაიწყება და 15 სექტემბერს დასრულდება. ამის შესახებ ინფორმაცია
21 / ივნისი 2024
ქალაქ ფოთში, სახელმწიფო საკუთრებაში არსებული 5 239 კვ/მ არასასოფლო-სამეურნეო დანიშნულების მიწის ნაკვეთი "ფოთის ახალ საზღვაო ნავსადგურს" 49 წლის ვადით, ერთ ლარად, აღნაგობის უფლებით გადაეცა. ამის შესახებ მთავრობის
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 24 °C
img
სოხუმი 24 °C
img
ფოთი 23 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.