მულტიმედია
წითელი კვერცხები კორცხელის დედათა მონასტრიდან - მზადება აღდგომის დღესასწაულისთვის (ფოტო/ვიდეო)
წითელ პარასკევს - უფლის ჯვარცმის დღეს კვერცხი უკვე წითლად შეღებილი უნდა იყოს, ამიტომ კორცხელის ყოვლადწმიდა ღვთისმშობლის სახელობის მონასტერში მონაზვნები კვერცხის შეღებვას დიდ ხუთშაბათს, საიდუმლო სერობის დღეს იწყებენ.
მარიამ მაგდალინელმა რომ იმპერატორს უფლის აღდგომა ახარა, კვერცხი - ახლის დაბადების სიმბოლო გაწითლდა და აგერ უკვე მესამე ათასწლეულია, მართლმადიდებელი სამყარო უფლის აღდგომას ერთმანეთს სწორედ წითელი კვერცხით ულოცავს.

დღეს ყველაზე მძიმე დღეა - ამბობს იღუმენი ნანა, მონაზვნობის 24 წლიანი ისტორიით. ათ მონაზონს საკუთარი საქმეები გადანაწილებული აქვს - ცალ-ცალკე და ერთად მონასტერს, ეკლესიას, მეურნეობას უვლის.
ახლა კი განსაკუთრებული პერიოდია. კვერცხი უკვე შეღებეს. განსხვავებული მეთოდი არ აქვთ, თუმცა იციან, რომ აქ აღდგომიდან ამაღლებამდე მოსულ სტუმრებს საკუთარი ხელით გაკეთებული სანთელი, გამომცხვარი პასქა და წითელი კვერცხი უნდა უსახსოვრონ.

„აღდგომა დღესასწაულთა დღესასწაულია, ვემზადებით აღდგომისთვის მიუხედავად იმისა, რომ ძალიან მძიმე დღეები გვაქვს გასავლელი და ეს ყველაფერი ლოცვაში აღიქმება ... ამას ყველაფერს ჩვენებურად ვალამაზებთ ტაძარში, პარალელურად კვერცხებს ვღებავთ, პასქებს ვამზადებთ...

ყველას თავისი მორჩილება აქვს და ყველა ჩართულია ამ პროცესში. ზოგი სანთელს ჩამოქნის, ზოგი პასქას აცხობს, ვემზადებით საზეიმო ტრაპეზისთვის. აღდგომის ღამეს ლოცვის შემდეგ გადმოდიან მამაო, სტიქაროსნები, მრევლი, ვისაც შეუძლია მოსვლა, ყველას ვეპატიჟებით. დაახლოებით, 100 კვერცხს შევღებავთ პირველ შეღებვაზე, შემდეგ კვირას კიდევ ვღებავთ, ყველა კვირა ხომ პატარა აღდგომაა. 40 დღე სულ ვდღესასწაულობთ, სულ გვაქვს მაგიდაზე წითელი კვერცხი და პასქა..“, - ამბობს დედა ნანა და თან 12 ვნების სახრების მოსასმენად ემზადება.

ვნების მძიმე კვირაში სააღდგომო მზადებას თან სევდა ახლავს, თუმცა ემოციები ლოცვებში გადააქვთ. ასე ერთვის ერთმანეთს ყოველდღიური საქმიანობა და ქრისტიანული სამყაროს ყველაზე დიდი დღესასწაულის მოლოდინი.




Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
ამავე კატეგორიაში
დღის სიახლეები
19 / მაისი 2024
სამეგრელო-ზემო სვანეთის პოლიციის დეპარტამენტის თანამშრომლებმა სენაკში მკვლელობის ბრალდებით 2003 წელს დაბადებული ლ.ს. დააკავეს.
19 / მაისი 2024
გიგა ოთხოზორიას დედა ჯულიეტა ჭანტურია შვილის მკვლელობიდან 8 წლის თავზე ამბობს, რომ მკვლელის დასჯის მოლოდინი არ აქვს.
19 / მაისი 2024
სენაკში, ქალაქის ერთ - ერთ ქუჩაზე, გუშინ ღამით მკვლელობა მოხდა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.