მულტიმედია
"იდეა შესაძლებლობაა" – GLC-ის სკოლის მოსწავლეებმა საქველმოქმედო გამოფენა-გაყიდვა გამართეს (ფოტო/ვიდეო)
დღეს ზუგდიდის ცენტრალური ბულვარის ტერიტორიაზე GLჩ-ის სკოლის მეათე და მეთერთმეტე კლასის მოსწავლეებმა პროექტის, "იდეა შესაძლებლობაა" ფარგლებში, საქველმოქმედო ღონისძიება გამართეს. მათ საკუთარი ხელნაკეთი სააღდგომო სუვენირები და სათამაშოები გასაყიდად გამოიტანეს.

პროექტის მონაწილეები ამბობენ, რომ მათ ამ აქტივობითა და სლოგანით "სიკეთე გადამდებია", მეორე სიცოცხლე მისცეს ნივთებს, მათი გაყიდვიდან შემოსული თანხა კი ქველმოქმედებას მოხმარდება.

"დღეს GLC-ის სკოლის მოსწავლეების მიერ დაიგეგმა საქველმოქმედო პროგრამა, რომელიც თებერვლიდან განხორციელდა და დღემდე მიმდინარეობს. დღეს ჩვენს მიერ ხელნაკეთ ნივთებს ვყიდით, რომელიც როგორც ვახსენე, საქველმოქმედოდ მოხმარდება. დღემდე ჩვენ ვეცადეთ, რომ მაქსიმუმი გაგვეკეთებინა ამ პროგრამისთვის. მოდით, გვეწვიეთ და ერთად გავაკეთოთ სიკეთე",- აღნიშნა პროექტის მონაწილემ გაბრიელ შეროზიამ.

რაც შეეხება დღევანდელი დღის მიზანს, მისი თქმით, ამას რამდენიმე პოზიტიური მხარე აქვს, ერთის მხრივ, ახალგაზრდების მონაწილეობა სოციალურად დაუცველი ოჯახების დახმარებაში; მეორეს მხრივ, მასში მოქალაქეების ჩართულობა და ასევე, საზოგადოებისთვის იმის ჩვენება, რომ შეიძლება მეორადი ნივთების გამოყენება სასიკეთო საქმეში.

GLC-ის ზუგდიდის განყოფილების სამოქალაქო განათლების მასწავლებელი და პროექტის ორგანიზატორი მაია ყალიჩავა ხაზს უსვამს მსგავსი ღონისძიებების მნიშვნელობას და მოსწავლეების ჩართულობას ქველმოქმედებაში.

"ეს იდეა საკლასო ოთახში დაიბადა და გვინდოდა, ჩვენი შესაძლებლობების ფარგლებში, სასიკეთო საქმე გაგვეკეთებინა სოციალურად დაუცველი ბავშვებისთვის. მე ვფიქრობ, რომ ასეთი პროექტები ხშირად უნდა ხორციელდებოდეს სკოლაში და ბუნებრივია, ამ პროექტის მთავარი მიზანი გახლავთ ის, რომ შემოსავალი გადანაწილდეს სოციალურად დაუცველი ბავშვების დახმარებაში. ვიმედოვნებ, ფართო აუდიტორიისთვის საინტერესოა ჩვენი დღევანდელი გამოფენა. ეს დასკვნითი ღონისძიებაა და აქედან გამომდინარე, ჩვენთვის არის ძალიან მნიშვნელოვანი დღე",- გვეუბნება ყალიჩავა.

მოქალაქე დათა აქუბარდია ერთ-ერთია იმათგანია, ვინც დიდი ინტერესით ათვალიერებდა მოსწავლეების ხელნაკეთ სუვენირებს. მან გადაწყვიტა რამდენიმე მათგანის შეძენა, რითაც მისი თქმით, ხელი შეუწყო მოსწავლეების კეთილ საქმეს.

"პირველ რიგში, წარმატებები ამ კარგ ბავშვებს. კარგია, რომ ბავშვები თვითონ ამზადებენ ნივთებს და ეხმარებიან სოციალურად დაუცველ მოსახლეობას. კარგი იქნება, თუ შემდეგშიც გაგრძელდება ასეთი აქციები და ჩვენ მოქალაქეები მივიღებთ მონაწილეობას, მხარს დაუჭერთ ამ ბავშვებს, რათა ჰქონდეთ მეტი მოტივაცია"- თქვა აქუბარდიამ.

დღეს გამოფენა-გაყიდვაზე დამთვალიერებელთა და მყიდველთა შორის შეხვდებოდით სხვადასხვა თაობის ზუგდიდელებს. მათ მხარი დაუჭირეს და წარმატება უსურვეს ახალგაზრდებს. თავის მხრივ, მოსწავლეებმა მოუწოდეს მოქალაქეებს, შეუერთდნენ მსგავს ღონისძიებებს და წვლილი შეიტანონ საზოგადოებისთვის სასიკეთო პროექტებში. მათ ასევე ღონისძიებაში მონაწილე საზოგადოებას თანადგომისა და თანხის გაღებისთვის მადლობა გადაუხადეს.
Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
ამავე კატეგორიაში
დღის სიახლეები
24 / ივნისი 2024
აფხაზეთის დე ფაქტო რესპუბლიკის სოფელ გაგიდაში ზუგდიდელი 17 წლის მოზარდი ზღვაში გუშინ საღამოს დაიხრჩო. ამის შესახებ ინფორმაცია რადიო "ათინათს" გაგიდაში მცხოვრებმა პირმა დაუდასტურა.
24 / ივნისი 2024
ფსოუზე, ე.წ. საგუშაგოს ზონასთან მომხდარ მკვლელობაში ეჭვმიტანილები დააკავეს, ინფორმაციას ოკუპირებული აფხაზეთის ე.წ. პროკურატურა ავრცელებს.
24 / ივნისი 2024
გარემოს ეროვნული სააგენტოს ინფორმაციით, 25 ივნისის დღის ბოლოდან 26 ივნისის დღის ბოლომდე საქართველოში მოსალოდნელია დროგამოშვებით წვიმა ელჭექით და დასავლეთის მიმართულების ძლიერი ქარი.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 24 °C
img
სოხუმი 25 °C
img
ფოთი 25 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.