სარეკლამო მასალა
ზუგდიდში მატერიალური მხარდაჭერის პროგრამის გამარჯვებულები დააჯილდოეს (ფოტო, ვიდეო) ®️
დადიანების სასახლეთა ისტორიულ-არქიტექტურული მუზეუმის ეზოში მატერიალური მხარდაჭერის კონკურსში გამარჯვებულები დაჯილდოეს. ღონისძიება საერთაშორისო ორგანიზაცია “Hilfswerk International”-ის და პარტნიორი ასოციაცია „თანხმობის“ პროექტის „ნაბიჯ-ნაბიჯ უკეთესი მომავლისაკენ“ ფარგლებში გაიმართა.

ღონისძიებაზე წარმოდგენილი იყო მატერიალური მხარდაჭერის პროგრამის პირველი და მეორე ეტაპის ფარგლებში გამარჯვებული ბიზნეს იდეები. გამარჯვებულ ბენეფიციარებს სერთიფიკატები და მათი ბიზნესის განხორციელებისთვის შეძენილი ინვენტარი გადაეცათ.
ღონისძიებას ადგილობრივი და საერთაშორისო ორგანიზაციები, სახელმწიფო სტრუქტურების, ევროკავშირისა და ავსტრიის განვითარების სააგენტოს წარმომადგენლები ესწრებოდნენ.

„ბენეფიციარებთან სამ სხვადასხვა რეგიონში - სამეგრელოში, შიდა ქართლსა და იმერეთში ვიმუშავეთ. ვთვლი, რომ მივაღწიეთ მიზანს - ნაბიჯ-ნაბიჯ შევცვალეთ უამრავი ადამიანის ცხოვრება, უკეთესი მომავლისთვის. ჩვენ ჩავუტარეთ მათ ტრენინგები, შევასწავლეთ ახალი პროფესიები, რისი მეშვეობითაც მოხდა მათი რესოციალიზაცია-რეინტეგრაცია საზოგადოებაში. მჭიდროდ ვიმუშავეთ ჩვენს ქართველ პარტნიორებთან და მოხარულები ვართ რომ ეს თანამშრომლობა ნაყოფიერი გამოდგა“, - თქვა "Hilfswerk International"-ის რეგიონულმა მენეჯერმა ელენა სმირნოვამ.

ორგანიზატორების ინფორმაციით, მატერიალური მხარდაჭერის პროგრამა პირობით მსჯავრდებულ პირთა და ყოფილ პატიმართა რეასოციალიზაცია - რეინტეგრაციის პროექტის ერთ-ერთი შემადგენელი ნაწილია. მისი პირველი ეტაპის ფარგლებში სამეგრელოს რეგიონში 16, მეორე ეტაპზე კი 32 გამარჯვებული ბიზნეს იდეა დაფინანსდა, რომელთა საერთო ბიუჯეტმა 160 000 ლარი შეადგინა.

პროგრამა მიზნად ისახავდა პირობით მსჯავრდებული პირებისთვის და ყოფილი პატიმრებისთვის ან მათი ოჯახის წევრებისთვის ახალი ბიზნესის დაწყებაში, ან უკვე არსებული ბიზნეს საქმიანობის გაფართოებაში დახმარებას ან საარსებო წყაროს შექმნას. ამ მიზნით მათ 1500 ევროდან 5000 ევრომდე ოდენობის ფინანსური მხარდაჭრა მიიღეს.

პროექტი „ნაბიჯ-ნაბიჯ უკეთესი მომავლისთვის“ დაფინანსებულია ევროკავშირისა და ავსტრიის განვითარების სააგენტოს მიერ და ხორციელდება სპეციალურ პენიტენციურ სამსახურთან, დანაშაულის პრევენციის, პრობაციისა და არასაპატიმრო სასჯელთა აღსრულების სააგენტოსთან თანამშრომლობით.
პროექტი 2017 წელს დაიწყო და 2020 წლის 1 მაისამდე გაგრძელდება. პროექტის მეორე ეტაპის მიზანია შიდა ქართლში, სამეგრელოსა და იმერეთში მცხოვრები სრულწლოვანი პრობაციონერების, განრიდებული პირების, ყოფილი მსჯავრდებულებისა და მათი ოჯახის წევრების რესოციალიზაციის ხელშეწყობა ინტეგრირებული მიდგომის გზით. ასევე ქსნის მე-15-ე დაწესებულების მაგალითზე, პატიმართა დასაქმების კერების შექმნა სასჯელაღსრულების დაწესებულებებში.


Print Email
FaceBook Twitter
რ ე კ ლ ა მ ა
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
ზუგდიდის მუნიციპალიტეტის ჯუმის ადმინისტრაციულ ერთეულში ახალი საბავშვო ბაღის მშენებლობა მიმდინარეობს.
კორონავირუსი
გასული დღე-ღამის განმავლობაში კორონავირუსით გამოწვეული გართულებებით სამეგრელოში 2 ადამიანი გარდაიცვალა.
27 ნოემბრის მონაცემებით აფხაზეთში კორონავირუსზე 206 ადამიანი გამოიკვლიეს და მათგან 66-ს ინფექცია დაუდასტურდა.
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 4 472 ახალი დადასტურებული შემთხვევა, გამოჯანმრთელდა 4 058 პირი,
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 9 °C
img
სოხუმი 11 °C
img
ფოთი 14 °C
img
მესტია 0 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.