სარეკლამო მასალა
ჩეხეთის ელჩმა სამეგრელოს რეგიონის მოსახლეობისთვის თერმოსკრინინგისთვის საჭირო აღჭურვილობა ჩამოიტანა (ვიდეო)
ჩეხეთის საგანგებო და სრულუფლებიანი ელჩმა საქართველოში პეტრ მიკისკამ ზუგდიდის ადგილობრივი ჯანდაცვის წარმომადგენლებს თერმოსკრინინგის აღჭურვილობა გადასცა. ელჩთან ერთად იმყოფებოდა ჩეხეთის საელჩოს განვითარების პროგრამების ხელმძღვანელი იან ჩერნიკი და ჩეხეთის რესპუბლიკის კარიტასის მისიის ხელმძღვანელ იან ბლინკა. ელჩის თქმით, ვიზიტის მიზანია მცირე დახმარების მასალების გადაცემა.

"ზოგადად ჩვენს ჩამოსვლას სამმაგი მიზანი აქვს: პირველი: გამოვხატოთ ჩვენი დაფასება ზუგდიდის სკინინგ ცენტრის და NCDC სამედიცინო პერსონალის მიმართ, და ასევე ადგილობრივი თვითმმართველობის მიმართ კორონავირუსის წინააღმდეგ ბრძოლისთვის.ასევე მადლობა სამედიცინო პერსონალს მათი მონდომებისთვის, მინდა მივულოცო მათ ეფექტიანი მუშაობა და ვუსურვო წარმატებები ამ მეტად მნიშვნელოვან საქმეში რასაც ისინი აკეთებენ.როგორც ვთქვი, ჩვენი პირველადი მიზანია მასალების ჩამოტანა და წარდგენა. ეს პირდაპირ კავშირშია ზუგდიდის სქრინინგ ცენტრთან, რომელმაც შარშან დაიწყო მუშაობა და მას შემდეგ მომსახურებას უწევს ზუგდიდის მოსახლეობას. და ეხლა ამ რთულ სიტუაციაში სქრინინგ ცენტრის თანამშრომლები დაეხმარებიან რეგიონის სამედიცინო პერსონალს მოსახლეობის თერმოსქრინინგში",- განაცხადა მან.

საელჩოს წარმომადგენლები ზუგდიდის სკრინინგ ცენტრში შეხვდნენ ადგილობრივი ჯანდაცვის ხელმძღვანელს ნანა ოდიშარიას. მათივე განმარტებით,აღჭურვილობა გამოყენებული იქნება კოვიდ-19 სიმპტომების მქონე პირთა პირველადი იდენტიფიცირებისთვის სამეგრელოს რეგიონის მასშტაბით.

თერმოსკრინინგისთვის საჭირო აღჭურვილობა შედგება უკონტაქტო თერმომეტრების და დამცავი ეკიპირებისაგან, ესენია: სახის ნიღბები, ხელთათმანები, სამედიცინო ხალათები და ა.შ. აქტივობა განხორციელდა ჩეხეთის განვითარების სააგენტოს ფინანსური მხარდაჭერით, პროექტის „სკრინინგ ცენტრის დაფუძნება ზუგდიდში“ ფარგლებში.

გარდა ამისა, ზუგდიდის სკრინინგცენტრი, ასევე დაფუძნებულია ჩეხეთის რესპუბლიკის კარიტასის პროექტის ფარგლებში ჩეხეთის განვითარების სააგენტოს ფინანსური მხარდაჭერით. თერმოსკრინინგის მნიშვნელობაზე ყურადღება გაამახვილა ჩეხეთის საელჩოს განვითარების პროგრამების ხელმძღვანელმა იან ჩერნიკმა.

"ჩვენ გვინდა ჩვენი წვლილი შევიტანოთ კოვიდ19-ის გავრცელების წინააღმდეგ ბრძოლაში და ჩვენი პარტნიორები აღვჭურვოთ დამცავი და თერმოსქრინინგისათვის აუცილებელი აღჭურვილობით. ასე, რომ ზუგდიდის მოსახლეობას საშუალება ექნება გაიარონ თერმოსქრინინგი",- დასძინა მან.

ჩეხეთის რესპუბლიკის კარიტასის მისიის ხელმძღვანელის იან ბლინკას განმარტებით,ისინი მომავალშიც,უკვე უკეთეს დროს გააგრძელებენ მუშაობას,აქ სამეგრელოში.

"მე მინდა დავამატო, რომ ჩეხეთის განვითარების თანამშრომლობა აქტიურია ჯანდაცვის საკითხებში, განსაკუთრებით ამ რეგიონში. ეს შენობა და ზუგდიდის სკრინინგ ცენტრი არის ბუნებრივი დასტური ჩვენი დიდი ხნის ჩართულობისა ამ სფეროში საქართველოში.საქართველოსთან ჩვენს ორმხრივ თანამშრომლობაში სამეგრელო პრიორიტეტული რეგიონია",-აღნიშნავს იგი.

მხარეებმა ზუგდიდის ჯანდაცვის საზოგადოებრივ ცენტრთან გააფორმეს შესაბამისი თანამშრომლობის მემორანდუმი.

შეგახსენებთ,პროექტის ფარგლებში ჩეხეთის "კარიტასმა" სხვა აქტივობებიც განახორციელა, რომლებიც მოიცავდა ინფორმირებულობის გაზრდის მიზნით საინფორმაციო მასალების გავრცელებას სამეგრელო-ზემო სვანეთის მოსახლეობაში, ჯანდაცვის სამინისტროს ინიცირებით ონლაინ ტრენინგების ჩატარებას სოფლის ექიმებისთვის კოვიდ-19-ის შემთხვევების მართვასთან დაკავშირებით და შემდგომ კონსულტირებას. საერთო ჯამში სამეგრელო-ზემო სვანეთში 170 სოფლის ექიმმა გაიარა ტრენინგი, იმის შესახებ თუ როგორ უნდა უზრუნველყოს დისტანციური სამედიცინო კონსულტაციები პანდემიის პირობებში. კოვიდ-19 ის პანდემიასთან დაკავშირებით ჩეხეთის მთავრობამ დაამტკიცა საგარეო საქმეთა მინისტრის წინადადება, რომელიც გულისხმობს სრულყოფილ ჰუმანიტარულ დახმარებას პარტნიორი ქვეყნებისთვის (ბოსნია და ჰერცოგოვინა, კამბოჯა, საქართველო, მოლდოვა და უკრაინა).

გამოყოფილი თანხები მოხმარდება საავადმყოფოებისთვის სამედიცინო აღჭურვილობის შეძენას.



Print Email
FaceBook Twitter
რ ე კ ლ ა მ ა
პანდემიის პირობებში ბიზნესკლიენტების დასახმარებლად ტერაბანკმა ახალი პროექტი განახორციელა.
კოალიცია დამოუკიდებელი ცხოვრებისათვის „ფიფლ ინ ნიდ“-თან (PIN) თანამშრომლობით და ევროკავშირის ფინანსური მხარდაჭერით იწყებს ახალ პროექტს
სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მერთან გიორგი შენგელიასთან და საკრებულოს თავმჯდომარე მამუკა წოწერიასთან ერთად,
კორონავირუსი
ბოლო მონაცემებით აფხაზეთში 524 ადამიანი გამოიკვლიეს, მათგან 91-ს კორონავირუსი დაუდგინდა. ინფორმაციას დე ფაქტო რესპუბლიკაში Сovid 19-სგან მოსახლეობის დაცვის მიზნით შექმნილი ოპერატიული შტაბი ავრცელებს.
ბოლო 24 საათში გამოვლინდა ვირუსით ინფიცირების 1 137 ახალი დადასტურებული შემთხვევა, აქედან
სამეგრელოს მასშტაბით არსებულ კოვიდმიმღებ კლინიკებში ბოლო მონაცემებით 214 ადამიანი
საზოგადოება
10-11 დეკემბერს ჟენევის საერთაშორისო მოლაპარაკებების 51-ე რაუნდი გაიმართა. სახელმწიფო მინისტრის აპარატის ცნობით, ორი სამუშაო ჯგუფის ფარგლებში წარმართულ დისკუსიაზე,
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 0 °C
img
სოხუმი 2 °C
img
ფოთი 3 °C
img
მესტია -11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.