სარეკლამო მასალა
ზუგდიდის მერი: ანა წითლიძემ კორუფციული გარიგებები მათი ხელისუფლების დროს მომხდარ ბუნდოვან გარიგებებში მოიძიოს, რის გამოც ზუგდიდის ცენტრში 19 ჰექტარ მიწაზე ინვესტიციას ვერ ვახორციელებთ
ზუგდიდის მუნიციპალიტეტის მერი, გიორგი შენგელია ნაციონალური მოძრაობის ბრალდებას აბსურდულს უწოდებს და ოპოზიცური პარტიის წევრს ანა წითლიძეს ურჩევს კორუფციული გარიგებების კვალი მათი ხელისუფლების დროს მომხდარ ბუნდოვან გარიგებებში მოიძიოს, რის გამოც დღეს ზუგდიდის ცენტრში 1 ლარად გასხვისებული 19 ჰექტარი მიწა უფუნქციოდ არის დარჩენილი.

„წითლიძის ბრალდება არის აბსურდული, ეს არის მათი მორიგი მცდელობა აქცენტი გადაიტანონ აბსტრაქტულ და არარსებულ ბრალდებებზე და ამით რაღაც პოლიტიკური დივიდენდები მიიღონ, მაგრამ მოსახლეობა უკვე მათგან მიჩვეულია მსგავს საქციელს და არავინ წამოეგება მათ ოინებს.

როცა ანი წითლიძე საუბრობს კორუფციულ გარიგებებზე, პირველ რიგში კორუფციული გარიგეგები მოძებნონ იქ, როდესაც 19 ჰექტარი მიწა, ქალაქის ცენტრში, საკათედრო ტაძრის მიმდებარე ტერიტორიაზე, 1 ლარად ყოველგვარი ვალდებულების გარეშე გადასცეს ბენდუქიძესთან დაკავშირებულ კომპანიებს, ამის შედეგად დღესაც ტყე გვაქვს ქალაქის ცენტრში - ამ ტერიტორიაზე და მუნიციპალიტეტს შესაძლებლობა არ აქვს რაიმე ინვესტიცია განახორციელოს, გამომდინარე იქიდან, რომ კერძო მესაკუთრის არის აღნიშნული ტერიტორია. გარდა ამისა, დადიანების ეზოში გაყიდეს და გაასხვისეს კულტურული მემკვიდრეობის ძეგლის სტატუსის მქონე ტერიტორია. ეს ხალხი დღეს ჩვენ გვადანაშაულებს კორუფციულ გარიგებაში და გვადანაშაულებს იმაში, რომ თითქოს 7 მილიონ 200 ათას ლარად გაყიდულ მიწაში სარგებელი და კორუფციული ნიშნები შეინიშნება“ - აცხადებს გიორგი შენგელია.

გიორგი შენგელია m2-თან დაკავშირებით გამოთქმულ ცრუ ბრალდებებზე განმარტებას აკეთებს და აცხადებს, რომ პროცესი გამჭირვალედ სამოქალაქო საზოგადოების ჩართულობითა და საჯარო განხილვებით მიმდინარეობდა, რომელში მონაწილეობას ოპოზიციაც იღებდა: „აღნიშნული კომპანია თავიდან იყო შემოსული წინადადებით, რომ საინვესტიციო ვალდებულებით სიმბოლურ ფასად მომხდარიყო მათთვის ამ მიწის ნაკვეთის გადაცემა, სადაც ისინი განახორციელებდნენ 8 მილიონი აშშ დოლარის ინვესტიციას და ყინულის მოედანს საკუთარი სახსრებით დემონტაჟს მოახდენდნენ და გადაიტანდნენ ახალ ლოკაციაზე, რაშიც მას უნდა დაეხარჯა 3 მილიონი ლარი. მუნიციპალიტეტის მერიამ ამასთან დაკავშირებით კონსულტაციები მოქალაქეებთან, კერძო სექტორთან, არასამთავრობო ორგანიზაციებთან გამართა, აღნიშნულ პროცესში ოპოზიციაც იყო ჩართული და ჩვენ საბოლოოდ მივიღეთ გადაწყვეტილება, რომ არა საინვესტიციო ვადლებულებით და სიმბოლურ ფასად გადაგვეცა, არამედ შეფასებით გასულიყო აუცქიონზე.

მერიამ ამ ქონების ვალდებულებით რეალიცაზიციაში 7 200 000 ლარზე მეტი მიიღო. ამასთან, კომპანია m2 დაეკისრა 8 მილიონი აშშ დოლარის ექვივალენტი ლარში ინვესტიციის განხორციელება ნებართვის მიღებიდან 30 თვის განმავლობაში, ხოლო მერიის ვალდებულება ყინულის სახლის დემონტაჟი, ამაში მუნიციპალიტეტი ხარჯავს 300 000 ლარს. ამ ქმედებით ჩვენ გაცილებით მეტი ეფექტი მივიღეთ მუნიციპალიტეტისთვის, ვიდრე მივიღებდით იმ შემთხვევაში, რომ პირველი გზით წავსულიყავით.

რაც შეეხება იმას, რომ თითქოს m2 აპირებს მიწის გაყიდვას, ეს არის აბსურდული ბრალდება, იმიტომ რომ ხელშეკრულებით აღწერილია ეს ვადლებულებები, m2 ვერ გაყიდის ამ მიწის ნაკვეთს, მუნიციპალიტეტთან შეთანხმების გარეშე. ასე, რომ მსგავსი განცხადებით კომპანიას ჩვენთვის არ მოუმართავს. რაც შეეხება ვალდებულების შეუსრულებლობას, ვალდებულების შეუსრულებლობის შემთხვევაში, თუ კომპანია ვერ განახორცილეებს ინვესტიციებს, გადახდილი თანხა, რომელიც მუნიციპალიტეტს უკვე მიღებული აქვს და მიწის ნაკვეთიც დარჩება მუნიციპალიტეტის საკუთრებაში. თანხა უკვე ჩარიცხულია მუნიციპალიტეტის ანგარიშზე, ასევე შემუშავდა განაშენიანების რეგულირების გეგმა, აღნიშნული დოკუმენტი გატანილი იყო საკრებულოზე და დამტკიცებულია. ველოდებით რომ ხელშეკრულება გაფორმდეს დემონტაჟის გამკეთებელ კომპანიასთან, რომელიც უკვე ტენდერის გზით შერჩეულია, ამის შემდგომ, როგორც კი მოხდება ობიექტის დემონტაჯი, კომპანია შემოვა მშენებლობის ნებართვით ოფიციალურად, მერიის მხრიდან როგორც კი გაიცემა ეს ნებართვა, ჩაირთვება ის ვადა 30 თვიანი, რომელიც ექნება კომპანიას ინვესტიციების განსახორციელებლად.

ვალდებულებები ხელშეკრულებაში ცალსახად არის გაწერილი, როგორც გითხარით კოლეჯის აშენებაზე საუბარი იყო, მაშინ როცა კომპანია ითხოვდა აღნიშნულ მიწას სიმბოლურ ფასად, როცა წავედით ქონების შეფასებით და აუქციონით ამ ქონების რეალიზაციით გზით, აღნიშნული კომპონენტი გავიდა შეთანხმების ნაწილიდან და ჩამოყალიბდა ცალკე მიმართულებად“ - აღნიშნა ზუგდიდის მერმა გიორგი შენგელიამ მედიასთან საუბარში.
Print Email
FaceBook Twitter
რ ე კ ლ ა მ ა
ზუგდიდის მუნიციპალიტეტის მერიის ჯანდაცვის კომისიამ, 1 მცირეწლოვანს სასმენი აპარატის შეძენა 15 000 ლარით დაუფინანსა. აღნიშნული პროგრამა, მუნიციპალიტეტის მერიას წელს დაემატა.
ზუგდიდში წყალმომარაგების სამუშაოების დროს დაზიანებული ქუჩების რეაბილიტაცია აქტიურად მიმდინარეობს. ამჯერად, სარეაბილიტაციო სამუშაოები ბაკურიანის ქუჩას უტარდება.
ზუგდიდის მუნიციპალიტეტის მერი გიორგი შენგელია, მერის მოადგილე კონსტანტინე კაკავა, საგანმანათლებლო რესურსცენტრის ხელმძღვანელი კახაბერ ფარცვანია და მერიის განათლების განყოფილების წარმომადგენლები იმ პედაგოგებს შეხვდნენ,
კორონავირუსი
ზუგდიდის საზოგადოებრივი ჯანდაცვის ცენტრის ინფორმაციით, გუშინ ინფექციური საავადმყოფოს ლაბორატორიაში 255 პირის ბიოლოგიური ნიმუში გაიტესტა. მათ შორის არიან რეგიონში არსებული ცხელების კლინიკების პაციენტები, მედპერსონალი,
სამეგრელო-ზემო სვანეთის სამხარეო ადმინისტრაციის ინფორმაციით, ანაკლია-განმუხურის საკარანტინო სივრცეში ამ დროისთვის 91 პირი იმყოფება. 35 პირი კი თვითიზოლაციაშია. ამავე ცნობით, სულ ეპიდზედამხედველობა 2011 პირზე დამყარდა.
რუხის მრავალპროფილურ კლინიკაში კოვიდ-დადასტურებული ბოლო პაციენტი გამოჯამნრთელდა. სამეგრელო - ზემო სვანეთს
საზოგადოება
საქართველოს პრეზიდენტის ადმინისტრაციამ შშმ პირებისათვის, მედია ორგანიზაციის წარმომადგენლებისთვის და ბლოგერებისთვის "შშმ პირთა ისტორიების კონკურსი" გამოაცხადა.
კორონავირუსის პანდემიის პირობებში ქვეყანაში შექმნილი მდგომარეობის გამო ფერმერები საარსებო წყაროს დაკარგვის საშიშროების წინაშე დადგნენ. სავაჭრო ობიექტების დახურვის შემდეგ ფერმერებმა სასოფლო-სამეურნეო პროდუქციის რეალიზაცია ვერ მოახერხეს.
2020 წლის ერთიანი ეროვნული გამოცდები 6 ივლისს დაიწყება და 25 ივლისს დასრულდება. დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციების შესაბამისად,
მთავარი საინფორმაციო გამოშვება
არქივი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12
ამინდი
ზუგდიდი 24 °C
img
სოხუმი 25 °C
img
ფოთი 25 °C
img
მესტია 19 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.