სარეკლამო მასალა
CHCA-მ იძულებით გადაადგილებულ ოჯახებს საკვები პროდუქტი და ავეჯი გადასცა (ფოტო/ვიდეო)
საქველმოქმედო ჰუმანიტარული ცენტრი "აფხაზეთის" წარმომადგენლებმა ჯანაშიას ქუჩაზე, ყოფილი სკოლის შენობაში მცხოვრებ იძულებით გადაადგილებულ ოჯახებს საკვები პროდუქტები, საყოფაცხოვრებო ნივთები და ავეჯი გადასცეს. ორგანიზაციის ხელმძღვანელის ნუკრი მილორავას განმარტებით, პროექტის "COVID-19 გავრცელების პრევენცია იძულებით გადაადგილებულ პირთა კოლექტიურ ცენტრებში" ფარგლებში ამ ეტაპზე მსგავსი სახის დახმარება 100-მდე კოლექტიურ ჩასახლებაში მცხოვრებ, დაახლოებით, 400-მდე შეჭირვებულ ოჯახს გადაეცემა. გარდა ამისა, როგორც ნუკრი მილორავამ აღნიშნა, პროექტის ფარგლებში ჩატარდა მასშტაბური კვლევა, რომელშიც 500-მდე ოჯახი იყო ჩართული, მათ შორის კი 4 სხვადასხვა მოწყვლადი კატეგორიის ადამიანი, რის შედეგადაც რამდენიმე მიმართულებით საჭიროებების გამოვლენა გახდა შესაძლებელი.
"აქ ცხოვრობს ოცდაათამდე დევნილი ოჯახი. ეს შენობა არის ერთ-ერთი მათ შორის, რომელიც არ არის პრივატიზებული და არის საცხოვრებლად უვარგისი. ადამიანები ცხოვრობენ გაუსაძლის პირობებში, მათ არ აქვთ მოწესრიგებული სველი წერტილები, არ აქვთ საკმარისი საცხოვრებელი ფართი, არ არიან უზრუნველყოფილი იზოლირებული ტერიტორიით, რაც კოვიდთან მიმართებაში ძალიან სერიოზულ პრობლემებს ქმნის. სწორედ ჩვენი პროექტი საქართველოს 100 კოლექტიურ დასახლებაში ემსახურება კორონავირუსის პრევენციასა და მოსახლეობის დაცვას. ამ მიზნით ჩავატარეთ ოჯახების განსაკუთრებული საჭიროებების კვლევა. ჩვენს პარტნიორთან, გაეროს განვითარების პროგრამასთან ერთად ამ კვლევაზე მორგებული, ორგანული დახმარების ორგანიზება უზრუნველვყავით. სწორედ ახლა, არის ის ფაზა, როდესაც ჩვენ დაახლოებით 400-მდე ოჯახს მივაწვდით პირველადი კვების პროდუქტებს. დავურიგებთ მათ პირველადი მოხმარების საგნებს, ნივთებსა და ავეჯს. გარდა ამისა, 70-მდე მოხუცი შინ მოვლის სერვისს მიიღებს, მივაწვდით სერვისს და ეს ყველაფერი კეთდება იმისათვის, რომ ამ ადამიანებმა კოვიდის პერიოდში არ იზარალონ და შეხვდნენ მომზადებულები", - ამბობს ნუკრი მილორავა.

პროექტის COVID-19 გავრცელების პრევენცია იძულებით გადაადგილებულ პირთა კოლექტიურ ცენტრებში” - ცენტრი "აფხაზეთი" გაეროს განვითარების პროგრამის (UNDP) ფინანსური მხარდაჭერით სამეგრელოში, იმერეთსა და შიდა ქართლში ახორციელებს.

პროექტში ჩართულია დევნილთა 100 კოლექტიური ცენტრი. მათ შორის 50 ცენტრი სამეგრელოდან და 25-25 იმერეთიდან და შიდა ქართლიდან.
Print Email
FaceBook Twitter
რ ე კ ლ ა მ ა
„ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია
,,ქართული ოცნება-დემოკრატიული საქართველოს“ ზუგდიდის ახალგაზრდული ორგანიზაციის ინიციატივით, ზუგდიდში ველოგასეირნება გაიმართა,
"ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია მარტვილის მუნიციპალიტეტის ერთ-ერთ ყველაზე დიდ სოფელში, ბანძაში მცხოვრებ მოსახლეობას შეხვდა.
კორონავირუსი
დღევანდელი მონაცემებით აფხაზეთში კორონავირუსზე ტესტირება 187 პირს ჩაუტარდა. კვლევის შედეგად ინფიცირების 43 ახალი შემთხვევა გამოვლინდა. ინფორმაციას დე ფაქტო რესპუბლიკის ოპერატიული შტაბი ავრცელებს.
ზუგდიდის ინფექციურში გასული 24 საათის განმავლობაში სულ 691 პირის ბიოლოგიური ნიმუში შევიდა, მათგან 500 კი გაიტესტა. გამოკვლეულთა შორის კორონავირუსი 9 პირს დაუდგინდა.
რუხის კლინიკაში 10 პაციენტი  კორონავირუსისგან განიკურნა. ინფორმაცია რადიო "ათინათს" კლინიკური დირექტორის მოვალეობის შემსრულებელმა მაიკო ჯანაშიამ დაუდასტურა.
საზოგადოება
NDI-ის კვლევის მიხედვით, გამოკითხული მოსახლეობის 39%-ს მიაჩნია, რომ ქვეყანა სწორი მიმართულებით ვითარდება, 32% კი ფიქრობს, რომ განვითარება არასწორი მიმართულებით ხდება.
ორწლიანი გამოძიების შემდეგ, ორი უმსხვილესი ევროპული ბანკის გასაჩივრების მექანიზმმა სვანეთში დაგეგმილი
ზუგდიდში, თედო სახოკიას ქუჩის გადაკვეთიდან სოფელ ინგირის მიმართულებით არსებულ მონაკვეთს საქართველოს ეროვნული გმირის, მარო მაყაშვილის სახელი მიენიჭა.
მთავარი საინფორმაციო გამოშვება
არქივი
ამინდი
ზუგდიდი 20 °C
img
სოხუმი 19 °C
img
ფოთი 20 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.