სარეკლამო მასალა
ცაცხვში საველე - არქეოლოგიური კვლევა მიმდინარეობს
ზუგდიდის მუნიციპალიტეტის ცაცხვის ადმინისტრაციულ ერთეულში მდებარე კოლხურ სამაროვანზე (ე. წ. ,,ცაიშის სამაროვანი“) ზუგდიდის მუნიციპალიტეტის მერიის დაფინანსებით საველე არქეოლოგიური კვლევა-ძიება მიმდინარეობს (ექსპედიციის ხელმძღვანელი, ისტორიის დოქტორი რ. პაპუაშვილი).

2005- 2007 წლებში, აქ ჩატარებული არქეოლოგიური გათხრების შედეგად შესწავლილ იქნა გვიანბრინჯაო - ადრერკინის პერიოდის, ჩვენს წელთაღრიცხვამდე VIII – VII საუკუნეების კოლხური კულტურის ხანის ორი კოლექტიური სამარხი აკლდამა, სადაც გამოვლინდა უნიკალური და მრავალფეროვანი არტეფაქტი.

ამჟამად, სამაროვნის გავრცელების გეოგრაფიული არეალის დადგენა და ქრონოლოგიური ჩარჩოს ზუსტი განსაზღვრა მიმდინარეობს. აღსანიშნავია, რომ მიწის ზედაპირზე იკრიფება მრავალრიცხოვანი, სხვადასხვა პერიოდის კერაკიმიკული ნაწარმი. ამ ეტაპზე ჩატარებული არქეოლოგიური კვლევა-ძიების შედეგად დაფიქსირდა არაერთი მნიშვნელოვანი არქეოლოგიური ობიექტი, როგორიცაა სავარაუდოდ ადრეშუასაუკუნეების (V-VI ს.ს.) არქიტექტურული ნაგებობის საძირკველი, ინდივიდუალური სამარხი ორმოები, ერთ-ერთ მათგანში დაფიქსირდა ფულადი ერთეული ე.წ. ,,კოლხური თეთრი“, რომელიც ძველი წელთაღრიცხვის მეხუთე საუკუნის მეორე ნახევრს განეკუთვნება და შესაბამისად ძეგლს კარგად ათარიღებს.

საველე არქეოლოგიურ კვლევა -ძიების პრაქტიკულ სწავლებაში აქტიურად არიან ჩართული შოთა მესხიას ზუგდიდის სასწავლო უნივერსიტეტის ისტორიის სპეციალობის სტუდენტები.

ასევე, საქართველოს, კულტურის, სპორტისა და ახალგაზრდობის სამინისტროს მიერ გამოცხადებული კონკურსის ,,არქეოლოგია ახალგაზრდებთან ერთად“ ფარგლებში, მიმდინარეობს ზუგდიდის მუნიციპალიტეტის მერიის მიერ წარდგენილი პროექტის ,,გავიცნოთ ცაიშის არქეოლოგიური მემკვიდრეობა“ (პროექტის ავტორი ლაშა ჯიქია) პრაქტიკული განხორციელება. კერძოდ, აღნიშნული პროექტი ითვალისწინებს საჯარო სკოლების უფროსკლასელთათვის არქეოლოგიურ ობიექტზე საველე პრაქტიკულ შემეცნებით სწავლებას.
Print Email
FaceBook Twitter
დაფინანსებული
15 - 16 ივლისს, ზუგდიდის მუნიციპალიტეტის ,,ხელოვნებისა და კულტურის განვითარების ცენტრის" ორგანიზებითა და ზუგდიდის მუნიციპალიტეტის მერიის მხარდაჭერით, პოლიკარპე ხუბულავას სახელობის ფოლკლორის IV საერთაშორისო ფესტივალი ,,კოლხი და..."  ჩატარდება.
ანაკლია-განმუხურის საზღვაო სეზონი გაიხსნა. სეზონის გახსნასთან დაკავშირებით, ანაკლიაში სხვადასხვა ღონისძიება გაიმართა.
ზუგდიდის მერიის ბავშვებისა და ახალგაზრდების შესაძლებლობების განვითარების ხელშეწყობის კომისიამ, არაფორმალური განათლებისა და პროფესიული შესაძლებლობების განვითარების პროგრამის ფარგლებში 4 ახალგაზრდა დააფინანსა.
დილის ჩართვა
ოდაბადეშ კინოხონი
04 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
«« ივლისი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 27 °C
img
სოხუმი 26 °C
img
ფოთი 27 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.