სარეკლამო მასალა
ასოციაცია "კავკასნათის" წევრ ფერმერებს პარტნიორმა კომპანიამ პრემიები გადასცა
ანაკლიაში ასოციაცია "კავკასნათის" ორგანიზებით,ბიოლოგიურ მეურნეობათა ასოციაცია "ელკანასთან" ერთად ადგილობრივ მეწარმეები შვეიცარიელ პარტნიორებს, კომპანიების "გებანას" და "პაკკას" წარმომადგენლებს შეხვდნენ. ასოციაციის წევრებმა ღონისძიებაზე ბიო თხილის წარმოების მნიშვნელობასა და მის უპირატესობებზე ისაუბრეს.
ასოციაცია "კავკასნათის" წევრ ფერმერებს, პარტნიორმა შვეიცარიულმა კომპანიამ "გებანამ" პრემიის სახით დამატებითი თანხები გადასცა. მსგავსი აქტივობა სამეგრელოში პირველად განხორციელდა. თითოეულმა ფერმერმა მის მიერ კომპანიისთვის მიწოდებული ბიო თხილის რაოდენობის მიხედვით მიიღო დამატებითი სარგო.

"კავკსნათის" უცხოელი პარტნიორები ფიქრობენ, რომ ადგილობრივ ფერმერებთან კომუნიკაცია მნიშვნელოვანია, რადგან კომპანიები მოგებას მათ მიერ წარმოებული პროდუქციის რეალიზაციის შედეგად იღებენ.

"მსგავსი შეხვედრები ჩვენთვის ძალიან მნიშვნელოვანია, რადგან გავიცანით ის ფერმერები ვისთანაც ვთანამშრომლობთ. ეს იყო პირველი შემთხვევა, როცა ჩვენმა კომპანიამ "გებანამ" ადგილობრივ ფერმერებს პრემიის სახით ბონუსი გადაუხადა. ჩვენი ორგანიზაციისთვის იდენტობის ნაწილი, ხედვა და მთავარი ღირებულებაა გავუზიაროთ ფერმერებს ის მოგება, რომელსაც "გებანა" მათ მიერ წარმოებული პროდუქტით იღებს. ჩვენ ვთვლით, რომ აუციელებელია თითოეულ ფერმერთან ასეთი უშუალო კომუნიკაცია."- უთხრა რადიო "ათინათს" "GEBANA-ს" წარმომადგენელმა კატარინა კორნელამ.

ასოციაცია "კავკასნათი" იყენებს ბიოლოგიურ მეურნეობათა ასოციაცია "ელკანას" ჯგუფური სერტიფიცირების სისტემას და ახორციელებს წევრი ფერმერების მუდმივ სწავლება /გადამზადებას. ასევე სერტიფიცირებული ბიო თხილის ფასი, ჩვეულებრივთან შედარებით, საშუალოდ, 1 დოლარით მეტია. "ბიო წარმოების ხელშეწყობის პროგრამა"შვეიცარიული არასამთავრობო ორგანიზაციის "HEKSEPER"-ის მხარდაჭერით ხორციელდება.

გასულ წელს ასოციაცია "კავკასნათის" მიერ ბიო სერტიფიკატი 293-მა ფერმერმა მიიღო და სერტიფიცირებული პროდუქციის რაოდენობამ 496 ტონა გაუტეხავი თხილი შეადგინა. ასოციაციის წარმომადგენლები ფიქრობენ, რომ 2023 წელს ეს მაჩვენებელი უნდა გაიზარდოს.

საქართველო თხილის მწარმოებელ ქვეყნებს შორის ერთ-ერთი წამყვანია და ექსპორტის მაჩვენებლით მეხუთე ადგილზეა. ყოველწლიურად საქართველოდან ათასობით ტონა თხილი მსოფლიოს სხვადასხვა ქვეყნებში გადის. ეს აგროკულტურა სამეგრელოში განსაკუთრებით პოპულარულია, ქვეყნის მასშტაბით კი თხილის წარმოება 100 000-ზე მეტი ოჯახისთვის წარმოადგენს შემოსავლის წყაროს.
Print Email
FaceBook Twitter
დაფინანსებული
საქართველოს ეროვნული ნაკრები ისტორიაში პირველად ევროპის ჩემპიონატზე მონაწილეობს.
14 ივნისს საქართველოში შეზღუდული შესაძლებლობების მქონე პირთა უფლებების დაცვის დღე აღინიშნება.
6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 19 °C
img
სოხუმი 19 °C
img
ფოთი 21 °C
img
მესტია 10 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.