სარეკლამო მასალა
ასოციაცია "გზამკვლევმა" ბენეფიციარებთან ერთად აუტიზმის დღე აღნიშნა (ფოტო/ვიდეო)
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა. ზღაპრის გმირებმა ბავშვებისთვის სხვადასხვა გასართობი აქტივობა ჩაატარეს.

"ჩვენი ორგანიზაცია უერთდება ამ დღეს. ვფიქრობთ, რომ ნებისმიერი ურთიერთობის ჩამოყალიბება საჭიროებს გაცნობას, ამ გაცნობის პროცესში მნიშვნელოვანია სწორი ინფორმაცია მივაწვდინოთ საზოგადოებას, რომ საზოგადოებამ ისწავლოს ამ ადამიანების მიღება და პატივისცემა. ყურადღება გაამახვილონ არა მათ დეფიციტსა და სისუსტეებზე, არამედ ძლიერ მხარეებზე",- აღნიშნა ცენტრის დამფუძნებელმა მაკა დგებუაძემ.
როგორც "გზამკვლევში" აღნიშნავენ, დღევანელი დღის მიზანიც სწორედ საზოგადოების ცნობიერების დონის ამაღლებაა აუტიზმთან დაკავშირებით.

"ეს ძალიან მნიშვნელოვანი თარიღია ჩვენთვის, მშობლებისთვის და ცენტრის დამფუძნებლებისთვის, რომ მეტი ვისაუბროთ აუტიზმზე და ცნობიერებას მეტად შევუწყოთ ხელი. ვხედავთ, რომ სტატისტიკა მზარდია აუტიზმთან მიმართებით და ცნობიერების კამპანია ერთ-ერთი მნიშვნელოვანია", - აღნიშნა "გზამკვლევის" თანადამფუძნებელმა ნათია სახოკიამ.

როგორც ქცევითმა თერაპევტმა ელენე აბაიშვილმა განმარტა, სპეციალისტები ცენტრში აუტისტური სპექტრის აშლილობის მქონე ბავშვებს ბარიერების გადალახვაში მაქსიმალურად ეხმარებიან.
"ჩვენ მუდამ ვცდილობთ ჩვენს ბავშვებს დავეხმაროთ ყველანაირი ბარიერების გადალახვაში. ვისურვებდით, საზოგადოების მხრიდან უფრო მეტ მხარდაჭერას და პატივისცემას თითოეული ბავშვის მიმართ. ერთად დავამარცხოთ სტერეოტიპები", - თქვა თერაპევტმა.

დღეს მსოფლიოში აუტიზმის შესახებ ცნობადობის ამაღლება აღინიშნება. ეს თარიღი გაეროს გენერალური ასამბლეის 2007 წლის პირველი ნოემბრის რეზოლუციით დაწესდა.

დოკუმენტში ორგანიზაციამ აღნიშნა, რომ მნიშვნელოვანია აუტისტი ადამიანებისთვის ფუნდამენტური უფლებისა და თავისუფლების რეალიზაციის, ხელშეწყობის შესაძლებლობა.

ამ დღესთან დაკავშირებით, გაეროს წლევანდელი სლოგანია "აუტიზმის შესახებ ხმების გაძლიერება", მათი გზავნილი კი არის "ცნობიერება, მიმღებლობა, დაფასება - გზა გადარჩენიდან წარმატებისკენ". ამით ორგანიზაციამ ხაზი გაუსვა აუტისტი პირების მხარდაჭერისა და მათი ხმის გაძლიერების მნიშვნელობას.









Print Email
FaceBook Twitter
დაფინანსებული
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
აუტიზმის შესახებ ცნობადობის ამაღლების საერთაშორისო დღესთან დაკავშირებით ასოციაცია "გზამკვლევმა" ბენეფიციარებისთვის ღონისძიება გამართა.
დილის ჩართვა
ოდაბადეშ კინოხონი
11 / აპრილი 2024
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« აპრილი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 12345
ამინდი
ზუგდიდი 19 °C
img
სოხუმი 14 °C
img
ფოთი 13 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.