6 ივნისს, ზუგდიდში, კოსტავას N36-ში “ჯი პი აი ჰოლდინგის” ახალი ოფისი გაიხსნა.

კომპანიის თანამშრომლების თქმით, „ჯი პი აი“ ლიდერი კომპანიაა საქართველოს სადაზღვევო ბაზარზე და უკვე 23 წელია მომხმარებელს დაზღვევის მრავალფეროვან პროდუქტებს სთავაზობს. ჯანმრთელობა , ავტომობილი, ქონება, ბიზნესი ეს მცირე ჩამონათვალია იმ პროდუქტებისა, რისი შეძენაც დაზღვევით დაინტერესებულ პირებს კომპანიაში შეუძლიათ.

„ჩვენ გამოვირჩევით სანდოობით და საიმედო მომსახურებით. ზუგდიდში ჩვენი ფილიალი უკვე რამდენიმე წელია არსებობს. გვყავს ბევრი კმაყოფილი დაზღვეული. მომავალშიც, რა თქმა უნდა, გვინდა მათთან თანამშრომლობა. ასევე, ჩვენთვის მნიშვნელოვანია, რომ ჩვენს თანამოქალაქეებს უფრო ავუმაღლოთ ცნობიერება იმის შესახებ, თუ რაოდენ სასიკეთოა ადამიანისთვის დაზღვევა და ის პასუხისმგებლობა, რასაც ჩვენ ვიღებთ მათ წინაშე და ვცდილობთ, ვასრულებთ ყოველთვის პირნათლად“, - ამბობს ზუგდიდის ფილიალის კორპორატიულის მიმართულების მენეჯერი ხატია ზედგენიძე.

„ჯი პი აი“-ს გაყიდვების დირექტორის მოადგილე ვახტანგ კორძაია აღნიშნავს, რომ 2006 წლიდან კომპანია ევროპაში ერთ-ერთი უმსხვილესი ჯგუფის, ვენის სადაზღვეო გუნდის წევრია, რომელიც 25 ქვეყანაში ფლობს 50-ზე მეტ კომპანიას.

„მათ შორის ჯიპიაი ჰოლდინგიცაა, რაც ჩვენ საშუალებას გვაძლევს, რომ ეს ჩვენი ევროპული გამოცდილება და ცოდნა გამოვიყენოთ და დავნერგოთ საქართველოში. ვფიქრობ, ეს ერთ-ერთი დამატებითი ბენეფიტია ჩვენი არსებული და მომავალი კლიენტებისთვის, რომ მათ სამსახურში იქნება სადაზღვეო კომპანია, რომელსაც ყავს ისეთი მფლობელი კომპანია, როგორიც არის ვენის სადაზღვეო ჯგუფი და რომელსაც აქვს ევროპული, ხანგრძლივი გამოცდილება, რასაც გამოიყენებს თავისი კლიენტების სასიკეთოდ“, - ვახტანგ კორძაია, გაყიდვების დირექტორის მოადგილე“, - განმარტავს კორძაია. ზუგდიდში ოფისის გახსნის ცერემონიას ადგილობრივი ბიზნესმენები, მედია და ჯიპიაის ერთგული მომხმარებლები ესწრებოდნენ.