რუსეთის სახელმწიფო სათათბირომ სამხრეთ ოსეთსა და აფხაზეთში რუსული საქონლით ვაჭრობასთან დაკავშირებული ორი შეთანხმების რატიფიცირება მოახდინა. აღნიშნული შეთნხმებებს 2012 წელს მოეწერა ხელი. შეთანხმებები საბაჟო გადასახადისგან თავისუფალი საქონლის შემოტანას ითვალისწინებს. ამასთან, თავისუფალი ვაჭრობის რეჟიმში ისევ არაა ჩართული ამ ორი დე ფაქტო რესპუბლიკიდან ისეთი საქონლის იმპორტი, როგორიცაა შაქარი, სპირტი და თამბაქოს ნაწარმი. დოკუმენტებში აღნიშნულია, რომ შეთანხმების ძალაში შესვლის პირველ წელს, გასატანი საბაჟო გადასახადისგან გათავისუფლდება ბენზინი და დიზელის სათბობი, რომლის მოცულობა აფხაზეთისთვის, წელიწადში 50 ათას ტონას არ აღემატება, სამხრეთ ოსეთისთვის – 35 ათას ტონას. რუსეთის დუმის წევრის ლეონიდ სლუცკის თქმით, აღნიშნულ შეთანხმებათა რატიფიკაცია ხელს შეუწყობს, „ აფხაზეთსა და სამხრეთ ოსეთის რუსეთთან და საბაჟო კავშირში შემავალ ქვეყნებთან საქონლის გაცვლის აქტივიზაციას".