მიმდინარე წელს პროექტების განხორციელების მიზნით, გაერო  აფხაზეთს 15 მილიონ აშშ დოლარს გამოუყოფს, - "აპსნიპრესის" ინფორმაციით, ამის შესახებ საქართველოში გაერო-ს მუდმივი კოორდინატორის,  ნილს სკოტის სოხუმში ვიზიტისას გახდა ცნობილი. ნილს სკოტი ოკუპირებული აფხაზეთის დე ფაქტო პრეზიდენტ ალექსანდრე ანქვაბს შეხვდა და დაფინანსების შესახებ ინფორმაცია მიაწოდა. მან ასევე, განაცხადა, რომ "ეს თანხა შეიძლება გაიზარდოს, თუ აფხაზეთის ხელისუფლება პირდაპირ მიმართავს გაერო-ს დონორ ქვეყნებს და მათ აფხაზეთში ფულის ჩადების აუცილებლობაში დაარწმუნებს". ალექსანდრე ანქვაბმა ყურადღება გაამახვილა იმ სოციალურ პროექტებზე, რომელთა განხორციელებაც გაერო-ს დახმარების ხარჯზე შესაძლებელია. საყურადღებოა, რომ მან გაერო-ს წარმომადგენელს შესთავაზა რუსეთის დახმარებით აღდგენილი ობიექტები მოენახულებინა, ვინაიდან "ეს არის რეალური, კონკრეტული დახმარება". ნილს სკოტმა აღნიშნა, რომ ამას სიამოვნებით გააკეთებს. "მე გულწრფელად მინდა, რომ გაერო-ს პროექტებმა აქ რეალური კვალი დატოვოს", - განაცხადა ანქვაბმა.