არსენი იაცენიუკი: აფხაზეთის მცხოვრებლებს არც ხელფასები აქვთ და არც უსაფრთხოება. აღარ ვსაუბრობ იმაზე, რომ იქ უკვე დაავიწყდათ, როგორ გამოიყურება დამსვენებელი. Lenta.ru–ს მასალები უკრაინის ახალი პრემიერის არსენ იაცენიუკის განცხადებამ, რომელიც აფხაზეთს ეხება, დე–ფაქტო რესპუბლიკის ხელმძღვანელობის აღშფოთება გამოიწვია. შესაბამისი რეაგირება იაცენიუკის გამონათქვამებზე უკვე მოახდინა აფხაზეთის ე.წ. საგარეო საქმეთა სამინისტრომ და მას „ცრუ და პროვოკაციული“ უწოდა. უწყებაში ხაზგასმით აღნიშნავენ, რომ რუსეთის მიერ აფხაზეთის დამოუკიდებლობის აღიარების შემდეგ „რესპუბლიკაში“ ეკონომიკურმა ზრდამ 13%–ს მიაღწია, საგარეო საქონელბრუნვა კი სამჯერ გაიზარდა. „აფხაზეთის რესპუბლიკას ყოველწლიურად მილიონზე მეტი ტურისტი სტუმრობს მსოფლიოს სხვადასხვა ქვეყნიდან. ექსპლოატაციაში შედის ახალი სასტუმროები, რესტორნები, კაფეები და სხვა ტურისტულ–რეკრეაციული ინფრასტრუქტურა,“ – აცხადებენ „რესპუბლიკის“ საგარეო საქმეთა სამინისტროში. რაც შეეხება არსენი იაცენიუკის განცხადებებს, რომლებიც მან უმაღლეს რადაში, 11 მარტს გააკეთა: უკრაინის პრემიერი აფხაზეთის თემას ყირიმზე საუბრისას შეეხო. მისი თქმით, ალბათ ყირიმელებმა არ იციან რა მოხდა აფხაზეთსა და ოსეთში, ასევე დნესტრისპირეთში. „მე მოვიპოვე მონაცემები იმის შესახებ, როგორ ცხოვრობს ხალხი აფხაზეთში. ადამიანებს არც ხელფასები აქვთ და არც უსაფრთხოება. აღარ ვსაუბრობ იმაზე, რომ იქ უკვე დაავიწყდათ, როგორ გამოიყურებიან დამსვენებლები,“ – განაცხადა იაცენიუკმა და დაამატა, რომ აფხაზეთისთვის გამოყოფილი ფული მოპარულ იქნა. სამაგიეროდ, უკრაინის პრემიერის თქმით, აფხაზეთში არიან ბანდფორმირებები, განადგურებულია სანატორიუმები, მიმდინარეობს იარაღითა და ნარკოტიკებით ვაჭრობა. წყარო: http://commersant.ge/?page=news&id=7170