პაკისტანში, ქალაქ ლახორში , უმაღლესი სასამართლოს შენობის მახლობლად, ახალგაზრდა ქალი საკუთარმა ძმებმა და მამამ ქვებით ჩაქოლეს. ნათესავები მას ბრალს მათი ნებართვის გარეშე ქორწინებაში სდებდნენ. პოლიციის ინფორმაციით, ქალი სასამართლოში მიემართებოდა, სადაც ამ საქმის გარჩევა უნდა გამართულიყო, როდესაც მას თავს ძმები და მამა დაესხნენ. მსხვერპლს რამდენიმე დარტყმა თავის არეში მიაყენეს. ქალის მამა დაპატიმრებულია, დანარჩენი ეჭვმიტანილები მიიმალნენ. პაკისტანელი სამართალდამცავების ყურადღებას დიდი ხანია იპყრობს „ პატიოსანი სახელის აღსადგენად“ ჩადენილ მკვლელობათა გაზრდილი რიცხვი, რომელთაც მშობლების ნების წინააღმდეგ გათხოვლი ქალები ემსხვერპლნენ. პაკისტანის ზოგიერთ რეგიონში ქალებს ეკრძალებათ თავად აირჩიონ მომავალი მეუღლე.