ცხინვალის რეგიონში რუსული სამხედრო ძალების მობილიზება შეინიშნება. ამ თემაზე განცხადებას საქართველოში ევროკავშირის სადამკვირვებლო მისია ავრცელებს.  „EUMM”-ი შეშფოთებულია ოკუპირებულ ტერიტორიაზე არსებული მდგომარეობით, რადგან ადგილზე რუსეთის ფედერაციის შეიარაღებული შეიარაღებული ძალების რაოდენობის ზრდა შეინიშნება. ევროკავშირის წარმომადგენლები ყველა მხარეს მოუწოდებენ თავი შეიკავონ ისეთი ქმედებებისგან, რომელმაც შეიძლება საფრთხე შეუქმნას ადგილობრივი მოსახლეობის სიცოცხლეს, ორივე მხარეს. განცხადებაში წერია, რომ ბოლო ხანს გავრცელებული ინფორმაცია იმაზე, რომ ცხინვალის რეგიონში საზღვართან ადგილი ჰქონდა ქართული ჯარებისა და პოლიციის შენაერთის მობილიზებას. ევროკავშირის წარმომადგენლებმა გაძლიერებული მონიტორინგის შემდეგ მსგავსი ფაქტები არ დადასტურეს. აღნიშნულ საკითხზე ოფიციალური ინფორმაცია საქართველოს საგარეო საქმეთა სამინისტრომაც გაავრცელა. „ უკანასკნელ ხანებში, საქართველოს ოკუპირებული რეგიონების ადმინისტრაციულ ხაზთან რუსეთის ფედერაციის შეიარაღებული ძალების მხრიდან მიმდინარეობს შეტევითი შეიარაღების კონცენტრაცია და შესაბამისად იზრდება პროვოკაციის საფრთხეც. ამის დასტურია დღევანდელი ინციდენტიც, როდესაც რუსეთის სამხედრო ძალების ვერტმფრენი დაეშავა საქართველოს ხელისუფლების მიერ კონტროლირებად ტერიტორიაზე, ცხინვალის რეგიონის მახლობლად. სამინისტრო  მკაცრ პროტესტს გამოთქვამს მომხდარ ფაქტთან დაკავშირებით და მოუწოდებს რუსეთის ფედერაციას სასწრაფოდ შეწყვიტოს შეიარაღების გადასროლა და ძალების კონცენტრირება ოკუპირებულ რეგიონებში, როგორც საქართველოს საგარეო საქმეთა სამინისტრო აცხადებდა, შემთხვევითი არაა მსხვილმასშტაბიანი სამხედრო წვრთნების „კავკაზ-2012“-ის მიმდინარეობის დამთხვევა საქრთველოში წინასაარჩევნო პერიოდთან. მართლდება პროვოკაციების ზრდის შესახებ ჩვენი ვარაუდებიც. საგარეო საქმეთა სამინისტრო მოახდენს საერთაშორისო ორგანიზაციებისა და საქართველოს უცხოელი პარტიორების სასწრაფო ინფორმირებას რუსეთის საოკუპაციო ჯარების მიერ განხორცილებეულ ღონისძიებებზე, რათა მათ ოფიციალურ რუსეთს აუწყონ ამგვარი ქმედებების დაუშვებლობის შესახებ.“ - ნათქვამია საგარეო საქმეთა სამინისტოს ოფიციალურ განცხადებაში.