„აფხაზებისთვის, საერთო ჯამში, დიდი სხვაობა არაა სააკაშვილსა და ივანიშვილს შორის“, - განაცხადა ინალ ხაშიგმა, აფხაზმა პოლიტოლოგმა და გაზეთ "Чегемская правда"-ს მთავარმა რედაქტორმა, ბიძინა ივანიშვილის  წინადადების კომენტირებისას, რომელიც პოლიტიკოსმა თბილისის აფხაზეთთან და სამხრეთ ოსეთთან დაახლოების ახალი ფორმების ძიებასთან დაკავშირებით წამოაყენა. შეგახსენებთ, ბიძინა ივანიშვილმა, წინასწარი მონაცემებით საპარლამენტო არჩევნებში მისი ბლოკის გამრჯვების შემდეგ აღნიშნა, რომ „აფხაზებს და ოსებს როგორღაც უნდა მივეფეროთ, მეტი სიყვარული და სითბო მივცეთ მათ“ და ა.შ. "Эхо Кавказа"-თან საუბრისას ინალ ხაშიგმა განაცხადა, რომ ეს სიტყვები არაფერს ცვლს, რადგან აფხაზურ სახემწიფოებრიობასთან დამოკიდებულება უცვლელი რჩება. „ესე იგი, მათი აზრით აფხაზები ნებისმიერ შემთხვევაში საქართველოს ნაწილად უნდა იქცნენ"- ამბობს ხაშიგი. კითხვაზე, ვის ნახვას ისურვებდა აფხაზი ხალხი საქართველოს მეთაურად, სააკაშვილს თუ ივანიშილს, ინალ ხაშიგი პასუხობს: " პარადოქსია, მაგრამ ფაქტია, რომ უმრავლესობა მაინც სააკაშვილს ანიჭებს უპირატესობას, რადგან მათი ზრით, ის მეტ-ნაკლებად პროგნოზირებადია, თუმცა მეორეს მხრივ, მას იმდენად ცუდი ურთიერთობა აქვს მოსკოვთან, რომ არსებობს ასპროცენტიანი გარანტია იმისა, რომ ეს ურთიერთობა არასოდე დალაგდება". "ივანიშვილი კი ერთგვარი უცხო ხილია, პრინციპში, თავისი მილიარდები მან სწორედ მოსკოვში მოიპოვა და ალბათ შეძლებს მოსკოვთან მოლაპარაკებას და შემდეგში ამან შეიძლება რაიმე გავლენა მოახდინოს მოსკოვისა და აფხაზეთის ურთიერთობაზე“ , - აღნიშნა პოლიტოლოგმა. regnum