"აფხაზეთი უნდა ფლობდეს ინიციატივას ჩერქეზულ საკითხში"-ამის შესახებ 2 ოქტომბერს გამართულ პრესკონფერენციაზე სოციოლოგიურ მეცნიერებათა კანდიდატმა, აფხაზური და აბაზური ხალხების მსოფლიო კონგრესის პრეზიდენტის მრჩეველმა, ხალხთა უფლებების დაცვის საერთაშორისო მოძრაობის კოორდინატორმა, ბესლან კობახიამ განაცხადა. კობახიას თქმით, მძიმე წუთებში ადიღეელები აფხაზების გვერდით იდგნენ. დიდ დახმარებას უწევდა მათ აგრეთვე ჩერქეზთა დიასპორა უცხოეთში. “როგორც დამოუკიდებელი სახელმწიფო, აფხაზეთი უფრო თავდაჯერებულად უნდა თამაშობდეს თავის როლს ჩერქეზულ სამყაროში. აფხაზურ-ადიღეური ძმობა რეალური საქმეებით უნდა განმტკიცდეს“, - ამბობს კობახია. მისი აზრით, დღეს ჩერქეზთა საკითხი მსოფლიოში ანტირუსული პოლიტიკისთვის გამოიყენება: „საკმარისია ავღნიშნოთ, რომ ცნობილი ამერიკული ფონდები მხარს უჭერენ საქართველოს. ამ ქვეყნის პარლამენტმა სცნო ჩერქეზ ხალხთა გენოციდი, თბილისში ჩერქეზთა კულტურის საერთაშორისო ცენტრის ორგანიზებისათის სერიოზული თანხები გამოიყო , გაწერილია ფონდის მოქმედების პროგრამა. ჩერქეზებს ესმით, რომ საქართველოს პარლამენტის მოტივაცია გენოციდის აღიარებაში უანგარო არ არის, თუმცა, ჩვენ მაინც მადლობელნი ვართ ქართველებისა ამ ნაბიჯისთვის“, - აღნიშნავს კობახია. კობახია თვლის, რომ ამჟამად ჩერქეზთა ერის, როგორც ერთი მთლიანის, თვითიდენტიფიკაციის პროცესი მიმდინარეობს, რუსეთის ხელმძღვანელობა ამ საკითხში ჯერჯერობით ინიციატივას დასავლეთს უთმობს.  ბესლან კობახია თვლის, რომ უნდა დაიხვეწოს აფხაზეთის ე.წ. კანონმდებლობა, იმისათვის, რომ ის ერთნაირად კომფორტული იყოს ყველა აფხაზისა და ადიღეელისათვის - ამ მხრივ, მისი აზრით, ბევრი ვარიანტი არსებობს, მაგალითად შეიძლება მიღებული იქნას კანონი თანამემამულეებზე. „ჯერაც არანაირი რეაგირება არ ყოფილა მოსკოვში ჩერქეზთა მიერ გენოციდის აღიარების მიმართვაზე“, - ამბობს კობახია. მან ხაზი გაუსვა, რომ ახლანდელი რუსეთი პასუხს არ აგებს XIX საუკუნეში მომხდარ მოვლენებზე. „თუკი სააკაშვილს ხელი ვერ ჩამოვართვით, საქართველოს ახლანდელ ხელისულფებასთან შესაძლებელი იქნება მოლაპარაკებები. არა მგონია, რომ რუსეთმა გვიღალატოს, თუმცა გარკვეული პრობლემები შეძლება გაგვიჩნდეს. ჩვენ უნდა ვაშენოთ პოლიტიკა, დღევანდელი დღიდან გამომდინარე, წინ გავიხედოთ და წინასწარ განვჭვრიტოთ გარკვეული მოვლენები. ამ საკითხში ჩვენ უნდა ავიღოთ ინიციატივა, უნდა შევქმნათ აფხაზურ-ადიღეური კულტურის საერთაშორისო ცენტრი, გავატაროთ სახელმწიფოს თანამიმდევრული პოლიტიკა, რომელიც მიმართული იქნება აფხაზეთისა და ჩრდილოეთ კავკასიის ხალხთა შორის ურთიერთობის განვითარებისა და განმტკიცებისათვის“ – განაცხადა ბესლან კობახიამ.   abhaz-uzel