საქართველოს ხელისუფლება მზადაა აღადგინოს სარკინიგზო ხაზი რუსეთთან, „აფხაზეთის დეიზოლაციის სტრატეგიის ფარგლებში“, განაცხადა საქართველოს რეინტერგაციის ახალმა მინისტრმა, პაატა ზაქარეიშვილმა. ახალი ხელისუფლება უახლოეს დროში რიგი ნაბიჯების გადადგმას გეგმავს, აფხაზეთის გარშემო არსებული კონფლიქტის დარეგულირებისთვის,– განაცხადა მინისტრმა გაზეთ "Коммерсант"–ისთვის მიცემულ ინტერვუში. "ჩვენ ხელი უნდა შევუწყოთ აფხზეთის გავლით (როგორც სარკინიგზო, ისევე საავტომობილო) სატრანსპორტო მიმოსვლის აღდგენას, ამასთან ჩვენ ვალდებულნი ვართ გამოვრიცხოთ ამ საქმეში პოლიტიკური სარჩული და განვიხილოთ პრობლემა მხოლოდ ეკონომიკურ ჭრილში“, – ამბობს ზაქარეიშვილი ინტერვიუში. მინისტრის აზრით, 20 წლის წინ შეწყვეტილი სარკინიგზო მიმოსვლის აღდგენა ქართველი დევნილებისთვის, რომლებმაც აფხაზეთში სახლები დატოვეს, პრობლემების მოგვარების წინაპირობაა. თუმცა ის არ გულისხობს, რომ ეს ორი რამ პირდაპირ კავშირშია ერთმანეთთან, არამედ, ამის შედეგად გარემოებათა თავისთავად გაუმჯობესების მოლოდინი აქვს. ზაქარეიშვილის სიტყვებით, დაუშვებელია, რომ აფხაზეთი ეკონომიკურად და ტრანსპორტით მხოლოდ რუსეთზე იყოს მიბმული. "თუკი ჩვენ გავხსნით მოძრაობას ჩვენი მიმართულებით, აფხაზეთს ალტერნატივა გაუჩნდება", - თვლის მინისტრი . გარდა ამისა ზაქარეიშვილი გამოდის წინადადებით, აფხაზეთისა და სამხრეთ ოსეთის პასპორტებს საქართველოს ტერიტორიზე მოქმედების ძალა ჰქონდეს. პასპორტების საკითხის გადაწყვეტაში, როგორც ზაქარეიშვილი აღნიშნავს, მთავრობას შეუძლია პარლამენტისგან დმოუკიდებლად იმოქმედოს, – წერს "Коммерсант" .