დევნილთა და განსახლების მინისტრის დავით დარახველიძის განცხადებით, დევნილების მიერ უკანონოდ დაკავებული ფართების გამოთავისუფლებაში შესაძლოა, შსს ჩაერთოს და ფართების გათავისუფლება სპეციალური ოპერატიული პროცედურების მიხედვით მოხდეს. "1-ელი ოქტომბრის არჩევნების შემდეგ სხვადასხვა დაწესებულებაში დევნილთა მასობრივი შეჭრები დაიწყო, სამწუხაროდ, ეს მოვლენა დღემდე გრძელდება. ამ დროის მონაცემებით, ისინი 51 ობიექტში არიან შეჭრილი და მათი საერთო რაოდენობა 1 941 ოჯახს შეადგენს. ჩვენ მათ 6 ნოემბერს ათდღიანი ვადა მივეცით იმისთვის, რომ ფართები ნებაყოფლობით დატოვონ. სამინისტრომ უკვე მოიძია ალტერნატიული ფართი მათთვის, ვისაც ამის გადაუდებელი აუცილებლობა აქვს და თბილისის მასშტაბით საცხოვრებელ ადგილებს შევთავაზებთ, ხოლო დანარჩენებს მოუწევთ დაბრუნდნენ იქ, სადაც აქამდე ცხოვრობდნენ. თუკი დაწესებულებიდან მათი გამოსვლა ნებაყოფლობით არ მოხდება, მაშინ პროცესში შინაგან საქმეთა სამინისტრო ჩაერთვება და ფართების გათავისუფლდება სპეციალური ოპერატიული პროცედურების მიხედვით მოხდება. სამინისტროს ზუსტი სტატისტიკა არ აქვთ, რადგან მათ ბინები თავიანთ სახლებზე არ აქვთ გაფორმებული და ამას საჯარო რეესტრით ვერ ვადასტურებთ, ამიტომ გარკვეული საქმეები შს სამინისტროს გადაეგზავნა, რათა ამის გამოკვლევა მოხდეს", - აღნიშნა მინისტრმა.