"აფხაზეთის დამოუკიდებლობის აღიარება საქართველოს მხრიდან ძალიან მნიშვნელოვანი იქნება". ამის შესახებ საუბარია ე.წ. სამინისტროს პრეს-სამსახურის მიერ გავრცელებულ განცხადებაში. გთავაზობთ განცხადების ტექსტს. "საქართველოს ხელისუფლების სათავეში ახალი მთავრობის მოსვლა და ამით გამოწვეული პოლიტიკური ცვლილებები აფხაზეთის მთავრობასა და საზოგადოებაში მშვიდად აღიქმება. აფხაზეთის საგარეო საქმეთა სამინისტრო მეზობელი ქვეყანაში საპარლამენტო არჩევნების შემდეგ შექმნილი შიდაპოლიტიკური დინამიკის ანალიზს აგრძელებს. აღვნიშნავთ, რომ აფხაზეთის ხელისუფლებას არანაირი ილუზია არ აქვს აფხაზეთსა და საქართველოს სახელმწიფოებს შორის არსებული კონფლიქტის გადაწყვეტის თითქოსდა "ახალ მიდგომებთან” დაკავშირებით, რაც ასე რეკლამირებულია საქართველოს ახალი მინისტრების მიერ. როგორიც არ უნდა იყოს დაპირებები - “აფხაზეთის დეიზოლაცია", "აფხაზებთან პირდაპირი კონტაქტები", "ყველაფერი – აღიარების გარდა", "აფხაზეთის გავლით სარკინიგზო გზის აღდგენა"_ მათი მიზანია, ნებისმიერი გზით დააბრუნონ აფხაზეთი საქართველოს შემადგენლობაში. ჩვენ საკმაოდ კარგად ვართ ინფორმირებული იმისთვის, რომ არ გავებათ ყველა შესაძლო პოლიტიკურ-დიპლომატიურ ხაფანგში, რომელიც ვიღაცას სურს, აფხაზეთს დაუგოს. აღნიშნულთან დაკავშირებით აფხაზეთის ხელისუფლებას მტკიცე პოზიცია აქვს. აფხაზური მხარე, შესაძლოა, მზად იყოს საქართველოსთან ძალის გამოუყენებლობის შეთანხმების საკითხის განხილვისა, მხოლოდ იმ შემთხვევაში, თუ ასეთი მოლაპარაკებების ფორმატი მისაღები იქნება.”-ნათქვამია განცხადებაში