აფხაზეთში ელექტროენერგიის ტარიფი100% გაიზარდა. ადგილობრივი ენერგეტიკოსების აზრით, ეს მინიმალური ფასია, რომელიც ამ სფეროს შენარჩუნებისა და განვითარებისთვისაა აუცილებელი. აღნიშნული გადაწყვეტილების თანახმად 2013 წლის თებერვლის ბოლომდე ადრე მოხმარებული ელექტროენერგიისთვის დავალიანების გადახდა ძველი ტარიფით, (30 კაპ/კვტ/სთ) შეძლებს, -  წერს «Абхазский узел». მანამდე ტარიფების გაზრდა ე.წ. დეპუტატთა კორპუსმა გააპროტესტა და დე ფაქტო მთავრობას რეკომენდაცია მისცა გაეუქმებინა გადაწყვეტილება. აღნიშნული საკითხის განხილვაში, ე.წ. პარლამენტის სხდომაზე, ენერგეტიკოსებიც მონაწილეობდნენ. მათი განმარტებით, ელექტროენერგიაზე ტარიფების ზრდა, ერთადერთი გამოსავალია ენერგეტიკის სფეროს გადასარჩენად. მათვე თქმით, ნაკლებად სავარაუდოა, რომ მოსახლეობა მოხმარებული ელექტროენერგიის საფასურს სრული მოცულობით გადაიხდის, ამიტომ, სიტუაციის გამოსწორება, სახელმწიფოს დოტაციისა და მსხვილი ფინანსური შემოდინებების გარეშე შეუძლებელია. ელექტროენერგიის გადასახადს, ამჟამად მომხმარებელთა საერთო რაოდენობის მხოლოდ 40% იხდის, აღნიშნავს «Абхазский узел». abhaz-uzel