- Error
რეგიონი
უჩა ნანუაშვილი: – პოლიციელთა რაოდენობა უსაფრთხოების უზრუნველსაყოფად საკმარისი არ აღმოჩნდა
საქართველოს სახალხო დამცველი ეროვნული ბიბლიოთეკის მიმდებარე ტერიტორიაზე მომხდარი ძალადობის ფაქტს გმობს. ამის შესახებ ომბუდსმენის მიერ გავრცელებულ განცხადებაშია ნათქვამი.
მისივე შეფასებით, ადგილზე მობილიზებული სამართალდამცავების რაოდენობა და მათ მიერ გატარებული პრევენციული ღონისძიებები ბიბლიოთეკაში მისული პირების უსაფრთხოების უზრუნველსაყოფად საკმარისი არ აღმოჩნდა. ამასთან, სახალხო დამცველი რეკომენდაციით მიმართავს საქართველოს შინაგან საქმეთა მინისტრს, გაატაროს ობიექტური და ეფექტური ღონისძიებები აღნიშნული ფაქტის გამოძიების მიზნით.
"საქართველოს სახალხო დამცველი გმობს ეროვნული ბიბლიოთეკის მიმდებარე ტერიტორიაზე მომხდარი ძალადობის ფაქტს და რეკომენდაციით მიმართავს საქართველოს შინაგან საქმეთა მინისტრს გაატაროს ობიექტური და ეფექტური ღონისძიებები აღნიშნული ფაქტის გამოძიების მიზნით.
კერძოდ, 2013 წლის 8 თებერვალს, ქ. თბილისში ეროვნულ ბიბლიოთეკაში საქართველოს პრეზიდენტის წლიური ანგარიშის წარდგენა დაიგეგმა. აღნიშნულს საჯარო ბიბლიოთეკის წინ რამდენიმე ასეული ადამიანის შეკრება მოჰყვა, რომლებიც აპროტესტებდნენ პრეზიდენტის მოსალოდნელ გამოსვლას. მათი ნაწილი ითხოვდა შენობაში შესვლას, რათა პრეზიდენტისთვის კითხვების დასმის შესაძლებლობა მისცემოდათ. აქციის მონიტორინგის მიზნით, ადგილზე საქართველოს სახალხო დამცველის წარმომადგენლები იმყოფებოდნენ. მონიტორინგისა და გავრცელებული ვიდეო მასალის თანახმად, აქციის მონაწილეებს დაკავებული ჰქონდათ როგორც შენობის წინ არსებული ტერიტორია, ასევე შენობის კიბეები და მთავარი შესასვლელი. დაახლოებით 18:00 საათზე შენობასთან მოვიდნენ საპარლამენტო უმცირესობის წარმომადგენლები და ქალაქ თბილისის მერი. აღნიშნულს ადგილზე ფიზიკური შეხლა შემოხლა მოჰყვა, რაც ასევე დასტურდება გავრცელებული ვიდეო მასალით.
მიუხედავად იმისა, რომ საქართველოს შინაგან საქმეთა სამინისტროს, ზუსტი ინფორმაცია ჰქონდა საჯარო ბიბლიოთეკის წინ შეკრებილი აქციის მონაწილეთა როგორც რაოდენობის, ისე მათი მოთხოვნებისა და განწყობის თაობაზე, საქართველოს სახალხო დამცველი მიიჩნევს, რომ ადგილზე მობილიზებული სამართალდამცავების რაოდენობა და მათ მიერ გატარებული პრევენციული ღონისძიებები არ აღმოჩნდა საკმარისი ბიბლიოთეკაში მისული პირების უსაფრთხოების უზრუნველსაყოფად", - ნათქვამია სახალხო დამცველის განცხადებაში.
ამასთან, ომბუდსმენი მიიჩნევს, რომ ინციდენტის შემდეგ ადგილზე საქართველოს შინაგან საქმეთა მინისტრის მისვლა და მისი განცხადება აღნიშნულ ფაქტზე გამოძიების დაწყების შესახებ, პოზიტიურად უნდა იყოს შეფასებული.
დაფინანსებული
კარგი იდეა წარმატებული ბიზნესის დასაწყისია, მაგრამ მხოლოდ იდეა საკმარისი არ არის.
სექციური დივანი ხშირად მისაღები ოთახის მთავარი აქცენტია.
იმუნოლოგიური კვლევები გამოიყენება იმუნური სისტემის მუშაობის შესაფასებლად.
სტატია
ინტერვიუ
დღის სიახლეები
23 / აპრილი 2026
დღევანდელ გადაცემაში საუბარია ბრწყინვალე შვიდეულის კვირაზე - მეგრულად „თანაფაზე“ (სავსე აღდგომა), რომელიც მრავალ უძველეს რიტუალსა და ტრადიციას აერთიანებს.
09 / აპრილი 2026
სამეგრელოში დიდმარხვის 7 კვირიან პერიოდში მორწმუნეები მკაცრად იცავდნენ მარხვის წესებს, განსაკუთრებით ვნების კვირაში.
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები