სოხუმში 28 თებერვალს საპროტესტო აქცია გაიმართა. მიტინგის ორგანიზატორებმა-ოპოზიციურად განწყობილმა პარტიებმა მიმდინარე წლის 1 იანვრიდან გაზრდილი ელექტროენერგიის 30–დან 60 კაპიკამდე გაზრდილი ტარიფის შემცირება და მთავრობის გადადგომა მოითხოვეს, წერს „აფსნიპრესი“. აქციის მონაწილეების განცხადებით მოქმედმა ხელისუფლებამ მათი მოლოდინი ვერ გაამართლა. ოპოზიციის ერთ–ერთი ლიდერის, რაულ ხაჯინბას განცხადებით, ტარიფის გაზრდა და პურზე ფასების მომატება მოსახლეობის დიდ ნაწილს გაღატაკებამდე მიიყვანს. „ამავე დროს სწრაფად იზრდება ადამიანთა მცირე ჯგუფის კეთილდღეობა. ისინი სხვა განზომილებებში ცხოვრობენ, მათთვის ქვეყანა და ხალხი საინტერესოა, მხოლოდ როგორც საკუთარი სიმდიდრის ზრდის დამატებით წყარო. მექრთამეობა, კორუპცია, ცხოვრების ნორმად იქცა“,- განაცხადა ხაჯინბამ. აქციის მონაწილეებთან მისულმა ლექსანდრე ანქვაბმა მანიფესტანტებს სიტყვით მიმართა და აღნიშნა, რომ აფხაზეთში ბევრი პრობლემაა, თუმცა მოკლე ვადებში და მიტინგზე ასეთი საკითხების მოგვარება წარმოუდგენელია. აქციის მონაწილეებმა აფხაზეთის საკანონმდებლო ორგანოს მოსთხოვეს, დაუყოვნებლივ მოამზადოს კანონპროექტი აფხაზეთის სახელმწიფო ტელევიზიის დამოუკიდებლობის შესახებ, გამოქვეყნოს მევალეთა სიები. აქვე მომიტინგეებმა მთავრობის გადადგომის საკითხი დააყენეს. აღნიშნული მოთხოვნაზე პასუხს ისინი ორშაბათს ელოდებიან. apsnypress