აფხაზეთში სოციალური საცხოვრებლის გამანაწილებელი კომისია შეიქმნება. შესაბამის ბრძანებას უახლოეს დროში მოეწერება ხელი, ამის შესახებ რაულ ხაჯიმბამ მის მიერ მოწვეულ თათბირზე განაცხადა, წერს „აფხაზეთი ინფო“. აფხაზური მედიის ინფორმაციით, თათბირზე არაკომერციული საცხოვრებელი ფონდის ფორმირებაზე ისაუბრეს, რომელიც დაბალი შემოსავლის მქონე და შეღავათებით მოსარგებლე (ომის ვეტერანები, დაღუპულთა ოჯახის წევრები, მრავალშვილიანი და ახლადშექმნილი ოჯახები) მოქალაქეებისათვის იქნება მისაწვდომი. რაულ ხაჯიმბამ კომისიას ბინების განაწილებასთან დაკავშირებით წინადადებების მომზადება დაავალა. მან თათბირზე აღნიშნა, რომ დაუშვებელია ბინებისა და სახლების თვითნებურად მიტაცება, რაც „კანონის შესაბამისად“ მკაცრად დაისჯება.
გამოცემის ინფორმაციით, აფხაზეთის საცხოვრებელი ფონდი , ძირითადად, ქართველების მიერ დატოვებული ქონებისგან შედგება, რომლის დიდი ნაწილი უკვე დაკავებულია.
მასალის გამოყენების პირობები