მოსკოვში ჩატარდა სამუშაო შეხვედრა რუსეთის ფედერაციის პრეზიდენტ ვლადიმირ პუტინსა და სოხუმის ლიდერ ალექსანდრე ანქვაბს შორის, იტყობინება "АпсныПресс". "სასიამოვნოა თქვენი მოსკოვში ნახვა, - განაცხადა ვლადიმირ პუტინმა - წელს 5 წელი სრულდება ჩვენს ქვეყნებს შორის დიპლომატიური ურთიერთობების დამყარებიდან. უკვე შეიძლება შევაჯამოთ გარკვეული შედეგების იმისა, თუ როგორ წყდება თქვენთან პრობლემები, რომელთა რაოდენობა, ისევე როგოც ყველგან, სასურველზე მეტია. თუმცა რაოდენ რთულად არ უნდა მოგვეჩვენოს ისინი, პირველი შეხედვით, მათი გადაწყვეტა აუცილებელია. დიდი იმედი მაქვს, რომ დღეს, ამ კონსულტაციების მსვლელობისას, ჩვენ შევძლებთ შევაჯამოთ გარკვეული შედეგები და გადავხედოთ იმ ამოცანებს, რომელთა შესრულებას ერთობლივად შევძლებთ“. თავის მხრივ, ალექსანდრე ანქვაბმა მადლობა გადაუხადა პუტინს მოსკოვში სტუმრობის შესაძლებლობისთვის: "ჩვენ ველოდით ამ შეხვედრას, - განაცხადა ანქვაბმა, - სრულებით გეთანხმებით, აგვისტოში ჩვენთვის ძალიან მნიშვნელოვანი თარიღია – რუსეთის მიერ აფხაზეთის აღიარების 5 წლის თავი, ჩვენ ვემზადებით ამ თარიღისთვის. გვინდა მას უკეთესი შედეგებით შევხვდეთ, ვიდრე ომის შემდგომ პერიოდში გვქონდა. ვგულისხმობ ჩვენს ქვეყნებს შორის დიდი შეთანხმების შესრულებას. ჩვენ ბევრი გავაკეთეთ და დღეს კოლეგებთან განვიხილეთ რიგი საკითხებისა, რომლებიც ხელს შეუწყობენ დღევანდელი აფხაზეთის მდგომარეობისა და ჩვენი ხალხის ცხოვრების დონის გაუმჯობესებას",-განაცხადა შეხვედრაზე ანქვაბმა. ამის შემდეგ შეხვდრა დახურულ კარს მიღმა გაგრძელდა. apsnypress.info