16 ივლისს საღამოს, აფხაზეთის ტერიტორიაზე, ფსოუ-ენგურის მაგისტრალის გუდაუთის მონაკვეთზე, სოფელ პსირცხასთან, აფხაზეთის დე-ფაქტო შსს-ს ახალი ათონის რაიონული პოლიციის უფროსის სამსახურეობრივ მანქანას ავტომატური ცეცხლსასროლი იარაღიდან, დაუდგენელმა პირებმა ცეცხლი გაუხსნეს.
გავრცელებული ინფორმაციით, ახალი ათონის პოლიციის უფროსს ნური სმირს, დაუდგენელი პირები სხვა მანქანით აედევნენ და პირდაპირ მანქანიდან გაუხსნეს ცეცხლი, რის შედეგადაც პოლიციის უფროსის სამსახურეობრივ მანქანას ცეცხლი გაუჩნდა, თუმცა სმირმა შეძლო დიდი სისწრაფით მიმავალი ალმოდებული მანქანის გაჩერება და იქიდან უვნებლად გადმოსვლა.
როგორც აფხაზური მედია იტყობინება, შემთხვევის ადგილზე მალევე მივიდნენ აფხაზეთის დე-ფაქტო შსს-ს მინისტრი ბესლან ხაგბა და ოპერატიული სამსახურის თანამშრომლები, რომლებიც დამნაშავის დასაკავებლად ამ დრომდე მუშაობენ.
უმეტესობა ჩვენგანი სახლში ყოფნისას დღის უმეტეს ნაწილს მისაღებ ოთახში ატარებს.
მასალის გამოყენების პირობები