გალის ე.წ. ადმინისტრაციის ხელმძღვანელმა თემურ ნადარაიამ რაიონის აქტივთან შეხვედრაზე განაცხადა, რომ ბოლო სამი წლის განმავლობაში გალის რაიონში 24 ადამიანი გაიტაცეს. მისი თქმით, გამომძალველებმა ამ პერიოდის განმავლობაში 4 მილიონი რუბლი მოითხოვეს. "რვა თვის განმავლობაში, რაც ადმინისტრაციის ხელმძღვანელი ვარ , მადლობა ღმერთს, ტერორისტული ჯგუფის ლიკვიდირების გარდა, არანაირი მსგავსი გატაცება არ მომხდარა", — თქვა ნადარაიამ. მან აღნიშნა, რომ თხილის მოსავლის აღების სეზონის დაწყებადმე მოსალოდნელია დამნაშავეების გააქტიურება. "ახლა თხილი წამოვიდა. ბანდ დაჯგუფებები ელიან, რომ მოსახლეობას ფული გაუჩნდება. მე გთხოვთ ფრთხილად იყოთ, მიაქციოთ ყურადღება სოფელში უცნობი პირების გამოჩენას“— თქვა ნადარაიამ. მანამდე ის აცხადებდა, რომ გალის რაიონში კრიმინოგენული სიტუაციის სტაბილიზაციისთვის, ძალოვანი სტრუქტურების შეთანხმებული მუშაობის გარდა, ეკონომიკის გაძლიერებაა აუცილბელი. თემურ ნადარაიას ინფორმაციით, მძიმე და განსაკუთრებით მძიმე დანაშულებების გახსნის მაჩვენებლები გალის რაიონში საგრძნობლად გაუმჯობესდა. ბოლო სამი თვის განმავლობაში ძებნაში გამოცხადებული 18 დამნაშავიდან, 12- დაკავებულია.