უახლოესი ორი 2 – 3 კვირის განმავლობაში პასპორტების დარჩენილი პარტია, მათ შორის ბინადრობის ნებართვა, ჩამოვა. ამის შესახებ ბრიფინგზე ე.წ. ვიცე პრემიერმა შამილ აძინბამ განაცხადა.

"სულ 250 000 პასპორტი და 50 000 ბინადრობის ნებართვაა", – დააზუსტა აძინბამ. მან ასევე აღნიშნა , რომ ახალი პასპორტების გაცემა მიმდინარე წლის ოქტომბერში დაიწყება. აძინბას თქმით, პასპორტიზაცია სტრატეგიულად მნიშვნელოვანია და საგულდაგულო მომზადებას მოითხოვს. "ჩვენთვის ეს სუვერენიტეტისა და უსაფრთხოების საკითხია... ჩვენ ისე უნდა გავაკეთოთ, რომ ეს პასპორტები მხოლოდ მათ ჰქონდეთ, ვინც ამას იმსახურებს", – თქვა შამილ აძინბამ.

მან განაცხადა, რომ პასპორტის უკანონოდ გაცემის შემთხვევაში, ახალი სისტემა დააფიქსირებს, თუ რომელ ეტაპზე მოხდა დარღვევა და დამნაშავეს გამოავლენს.