აფხაზი სპორტსმენები ერევანში გამართული თავისუფალ ჭიდაობის საერთაშორისო ტურნირიდან მოხსნეს.ამის შესახებ აფხაზური მედია იტყობინება. თავისუფალ ჭიდაობაში აფხაზური ნაკრების მთავარი მწვრთნელის იგორ ბერაიას განცხადებით, ისინი ტურნირზე სომხურმა კლუბმა „მალათიამ“ მიიწვია, რომელმაც გარანტია მისცა, რომ ტურნირში მონაწილეობის გამო აფხაზ სპორტსმენებს საქართველოს წარმომადგენლებთან პრობლემები არ შეექმნებოდათ. თუმცა, როგორც ბერაია ამბობს, მოგვიანებით, ქართული დელეგაციის მოთხოვნით, აფხაზი სპორსტმენები ტურნირიდან მოიხსნეს. „სპორტის პოლიტიზირება არ შეიძლება. მით უმეტეს, არ შეიძლება ბავშვებს სპორტული ასპარეზობის შესაძლებლობა წავართვათ“, - აცხადებს ბერაია. მისივე თქმით, ერევანში აფხაზეთისა და სომხეთის სპორტსმენებს შორის ამხანაგური ტურნირი მაინც გაიმართა. „სპორტი პოლიტიკის მიღმაა, მაგრამ ბოლო დროს საპირისპიროს ვხედავთ. ეს პირველი პრეცედენტი არაა ქართული მხრიდან. ასეა თუ ისე, ამ სირთულეებში“გამოვიწვრთნებით“. დარწმუნებული ვარ, შემდეგ წელს უპრობლემოდ მივიღებთ მონაწილეობას მაღალ დონეზე“,- აღნიშნავს აფხაზური ნაკრების მწრთვნელი. ტურნირში საქართველოს, ირანის, დაღესტნის, ინგუშეთის, ჩრდილოეთ ოსეთის, აზერბაიჯანისა და უკრაინის სპორტსმენები მონაწილეობდნენ.