აფხაზეთში სოფელ კვიტოულის მკვიდრი არჩილ ჯინჯოლავა გაიტაცეს. „ნაშა აფხაზია-ს ინფორმაციით“, ეს უკვე მესამე გატაცებაა, რომელიც გამოსასყიდის მიღების მიზნით მოხდა.

ჯინჯოლავას ნათესავების მტკიცებით, გამტაცებლებმა, რომლებიც მათ მობილური ტელეფონით დაუკავშირდნენ, გამოსასყიდის სახით 80 ათასი დოლარი მოითხოვეს, თუმცა თავდაპირველი თანხა 130 ათას დოლარს შეადგენდა.

კვიტოულის მცხოვრებლები არჩილ ჯინჯოლავას გატაცებას მოსკოვში მისი ვაჟის ბიზნეს-საქმიანობას უკავშირებენ, გარდა ამისა, მას თხილის საკმაოდ დიდი მეურნეობა აქვს.

გამოცემის ინფორმაციით, გახშირებულ გატაცებებს გალის რაიონში კრიმინალური სამყაროს აქტიური წვერების გამოჩენას უკავშირებენ.

დევნილთა სამინისტროს აჭარისა და სამეგრელო-ზემო სვანეთის ტერიტორიული ორგანოში აღნიშნულ ინფორმაციას ვერ ადასტურბენ და აცხადებენ, რომ უწყებაში მსგავსი ინფორმაცია არ მიუღიათ.