გრიპისა და მწვავე რესპირატორული დაავადებების გავრცელებასთან დაკავშირებით აფხაზეთის სკოლებსა და სკოლამდელ დაწესებულებებში დღეიდან კარანტინი გამოცხადდება.

დე ფაქტო რესპუბლიკის ჯანდაცვის მინისტრ ანდზორ გოოვის განმარტებით, "ჯანდაცვის სამინისტრომ მინისტრთა კაბინეტს მასობრივი კულტურული, სპორტული და სხვა ღონისძიებების მიმდინარე წლის 15 თებერვლამდე აკრძალვის შესახებ თხოვნით მიმართა".
გოოვმა ასევე აღნიშნა, რომ არავითარი დოკუმენტური მტკიცებულება იმისა, რომ აფხაზეთის მოქალაქე საავადმყოფოში ე.წ. "ღორის გრიპისგან" გარდაიცვალა, მის უწყებაში ჯერ არ შესულა.
ამასთან, აფხაზური მედიის ინფორმაციით, მწვავე რესპირატორულ დაავადებებთან დაკავშირებული საერთო მონაცემები არ აღემატება ეპიდემილოგიურ ზღვარს და აღნიშნული ღონისძიება მხოლოდ პროფილაქტიკის მიზნით გატარდება.