ჩაის მწარმოებელი უმსხვილესი ჩინური კომპანიის „იუნანის დანხუნ ჯგუფის“ წარმომადგენლები ჩაის პლანტაციებს ათვალიერებენ და მის პოტენციალს სწავლობენ. კომპანია ინვესტიციების ჩადებას სამეგრელოსა და აჭარაში გეგმავს. ჩაის კულტურის აღდგენა წალენჯიხის, ზუგდიდის, ჩხოროწყუს, ხობის, სენაკისა და მარტვილის მუნიციპალიტეტებში იგეგმება.

კომპანიის პრეზიდენტის, ვან ტიანჩიუანის თქმით რეგიონში ინვესტიციების ჩადებას და თანამედროვე ქარხნის მშენებლობას გეგმავენ.

"აქ ყველა რესურსია, რომ საუკეთესო ჩაი მოვიყვანოთ, ჩვენ ამ რეგიონში დავნერგავთ ყველა იმ ტექნოლგიას რაც გვაქვს, ასევე ვაპირებთ ახალი ჯიშების ჩამოტანასაც“ - განაცხადა „იუნანის დანხუნ ჯგუფის“ პრეზიდენტმა წალენჯიხაში ჩის პლანტაციების დათვალიერების შემდეგ.

ჩინურ დელეგაციას მეგზურობას სამეგრელო-ზემო სვანეთის გუბერნატორი ლევან შონია უწევს, მასთან ერთად იმყოფებიან რეგიონის გამგებლები და ჩაის ადგილობრივი სპეციალისტები.