თბილისის საერთაშორისო აეროპორტში სამხედრო თვითმფრინავი, რომლითაც ავღანეთიდან  დაღუპული სამხედროების  ცხედრების გადმოსვენება მოხდა, დაახლოებით 10.30 საათზე დაეშვა. ავღანეთში ტერორისტული თავდასხმის შედეგად დაღუპული სამი სამხედრო მოსამსახურე - სერჟანტი ზვიად დავითაძე, კაპრალი ალექსანდრე კვიწინაძე და კაპრალი ვლადიმერ შანავა სამშობლოში ჩამოასვენეს. დაღუპული ჯარისკაცების პატივსაგებად თბილისის საერთაშორისო აეროპორტში სამგლოვიარო ცერემონია გაიმართა. დაღუპულ სამხედროებს ადგილზე საპატიო ყარაული დახვდა. ცხედრები სამხედრო თვითმფრინავიდან ჩოხოსნებმა ჩამოასვნენს. აეროპორტში იმყოფებოდა შეირაღებული ძალების ეროვნული გვარდიის სამხედრო საჩვენებელი ორკესტრი, რომელმაც ცხედრების გადმოსვენებისას სამგლოვიარო მარში შეასრულა. დაღუპული ქართველი ჯარისკაცების სამშობლოში ჩამოსვენებასთან დაკავშირებულ სამგლოვიარო ღონისძიებას თბილისის საერთაშორო აეროპორტში თავდაცვის მინისტრი ირაკლი ალასანია, მისი მოადგილეები, გაერთიანებული შტაბის ხელმძღვანელობა, საქართველოში აშშ-ის საელჩოს წარმომადგელობა და სხვა პირები. აეროპორტში იმყოფებოდნენ ზვიად დავითაძის, ალექსანდრე კვიწინაძის და ვლადიმერ შანავას ოჯახის წევრები და ახლობლები. ავღანეთში დაღუპული ქართველი სამხედროები აეროპორტიდან პროზექტურაში გადაასვენეს. დღესვე, 19.00 საათზე მათ ქაშუეთის ეკლესიაში დაასვენებენ, სადაც სამოქალაქო პანაშვიდი გაიმართება. ავღანეთის მისიაში 22 ქართველი სამხედრო მოსამსახურეა დაღუპული.