ასოციაცია “ათინათი“ საქართველოს შრომის ჯანმრთელობისა და სოციალური დაცვის სამინისტროს სსიპ სოციალური მომსახურების სააგენტოს დასაქმების პროგრამების დეპარტამენტთან და ზუგდიდის მერიასთან თანამშრომლობით 2016 წლის 17 ივნისს ატარებს დასაქმების ფორუმს ზუგდიდში.

ასოციაციის ადმინისტრაციის ინფორმაციით, აქ წარმოდგენილი იქნება სამეგრელოში მოქმედი ორმოცდაათამდე მსხვილი კომპანია ვაკანსიებით. მონაწილეობის მსურველები 10 ივნისიდან უნდა დარეგისტრირდნენ დასაქმების დეპარტამენტის ვებ-გვერდზე: http://worknet.gov.ge/ და ssa.gove.ge და მიიღონ მოსაწვევი (კოდის სახით) დასაქმების ფორუმზე წარსადგენად.

მონაწილეობის მსურველთა რეგისტრაცია იწარმოებს სამუშაო დღეებში 10:00-დან 17:00 საათამდე შემდეგ ლოკაციებზე:
• ასოციაცია „ათინათში“ , რუსთაველი #94;
• ზუგდიდის დემოკრატიული ჩართულობის ცენტრში, რუსთაველის #52;
• სოციალური მომსახურების სააგენტოს სამეგრელო-ზემო სვანეთის სოციალური მომსახურების სამხარეო ცენტრში რუსთაველის ქ. #93;
• არასამთავრობო ორგანიზაცია „ერთსულოვნება“, ლაღიძის ქუჩა #4;
• მესხიას სახ. ზუგდიდის სასწავლო უნივერსიტეტში,
• გ. ხვიტიას სახ. ზუგდიდის სასწავლო უნივერსიტეტში.

მონაწილეობა შესაძლებელია მხოლოდ რეგისტრაციის გავლის საფუძველზე მიღებული უნიკალური კოდის წარდგენით.

დასაქმების ფორუმი ტარდება პროექტის „LIFE Georgia”-ს ფარგლებში ევროკავშირის ფინანსური მხარდაჭერით და გაიმართება ზუგდიდში, რესტორან "მონოპოლში", მისამართი: თამარ მეფის #3. (საკონსერვო ქარხანასთან).