საქართველოში ახალგაზრდების საინიციტავო ჯგუფის მიერ განხორციელებულ ინტერნეტ - აქციას “მშიბზია” – „გამარჯობა“ , აფხაზეთში კონტრ-პროექტით, “აბზიარაზ“ – „ნახვამდის”, პასუხობენ – წერს “ეხო კავკაზა”.

„8 ათასი დღეა ერთმანეთს არ მივსალმებივართ. გადავწყვიტეთ, ეს სიცარიელე შეგვევსო და ამდენივე  ადამიანი შეგვეგროვებინა, რომლებიც აფხაზებს მათ მშობლიურ ენაზე მიესალმებოდა”, – ასე ხსნის ქართული პროექტის მიზანს იდეის ავტორი ბაჩო მებურიშვილი.

პროექტს ინტერნეტ - სივრცეში საკმაოდ დიდი გამოხმაურება მოჰყვა, ამ დროისათვის ვებგვერდზე ათასზე მეტი ფოტოა ატვირთული წარწერით- „მშიბზია“.

აფხაზი ჟურნალისტი ანტონ კრივენიუკი «ეხო კავკაზა“-თვის მიცემულ ინტერვიუში ამბობს, რომ “მშიბზიას” აფხაზეთიდან აქციით “აბზიარაზ” უპასუხეს. ამ გამოხმაურებაზე საკუთარ აზრს ის გამოცემის მკთხველს უზიარებს.

„სინამდვილეში, სავარაუდოდ, მედიური რამ მოხდა – თქვენი შეკითხვა, ჩვენი პასუხი, რაც, სინამდვილეში თამაშის ხასიათს ატარებს და არა – სერიოზულს”, - ასე ხსნის ანტონ კრივენიუკი ამ გამოხმაურების მნიშვნელობას.

ჟურნალისტი ასევე აღნიშნავს სხვადასხვა პროცესების აღქმის ესთეტიკაში ქართველებსა და აფხაზებს შორის სხვაობას: “აფხაზური საზოგადოება საკმაოდ “ასკეტურია, ანუ, მასში ნაკლებია საინფორმაციო კამპანიები, აქციები, მიტინგები, ხმაური. ქართული საზოგადოება სრულიად სხვაა – ის, ამ გაგებით, შესაძლოა მეტად თანამედროვე და სახალხოა. ისინი ფლეშმობებით, კამპანიების მეშვეობით, იდეური აქციებით გამოხატავენ თავიანთ დამოკიდებულებებს. აფხაზურ სახოგადოებაში ეს კულტურა უბრალოდ არ არის”, – ამბობს ანტონ კრივენიუკი.

გამოცემის შეკითხვაზე, “ნახვამდის” ეს ადამიანური რეაქციაა თუ პოლიტიკური ზეგავლენით გამოწვეული პასუხი, ჟურნალისტი პასუხობს: “პოლიტიკური ტრადიციაა. ეს ახლა უბრალოდ უფრო ღრმა კომპლექსების ინსტალაციაა”.