შეიარაღებული დაჯგუფების წევრებმა, რომლებმაც ერევანში პოლიციის შენობა დაიკავეს, მძევლად სასწრაფო დახმარების ბრიგადა აიყვანეს.

ეს მას შემდეგ მოხდა, რაც ღამით 27 ივლისს, ამბოხებულებსა და პოლიციას შორის ომრხრივი სროლა ატყდა, რომლის შედეგად 4 შეიარაღებული პირი დაიჭრა. ექსტრემისტების მოთხოვნით, მათთან სასწრაფო დამხარების მანქანა გამოიძახეს. ამ დრომდე მძევლად რჩებიან ორი ექიმი, ორი მედძმა და ერთი ექთანი.

„დოიჩე ველეს“ ინფორმაციით რადიკალები მედიკოსების გათავისუფლების სანაცვლოდ, სომხეთის ჯანდაცვის მინისტრთან შეხვედრას და კვალიფიცირებულ ქირურგებს ითხოვენ, რომლებიც ოპერაციის ჩატარებას ადგილზე შეძლებენ. ჯანდაცვის სამინისტრო თავიანთი თანამშრომლების „უპირობოდ გათავისუფლებას მოითხოვს".
ღამის შეტაკების შედეგად დაჭრილთაგან ორი, საავადმყოფოშია გადაყვანილი და მათ ოპერაცია ჩაუტარდათ, დანარჩენი ორი, ჰოსპიტალიზაციაზე უარს აცხადებს.

17 ივლისის დილას ოპოზიციონერი ჟირაირა სეფილიანის მომხრეებმა, ერევანში, ერებუნის რაიონის პოლიციის შენობაზე შეიარაღებული თავდასხმა განახორციელეს. მაშინ დაიღუპა ერთი და დაიჭრა რამდენიმე ადამიანი.