სამეგრელო-ზემო სვანეთის გუბერნატორი ლევან შონია ლატვიის პარლამენტის ვიცე-სპიკერს გუნდარს დაუდზეს და ლატვიელ ინვესტორს, რეგიონული პროექტების კოორდინირების სამსახურის უფროსთან დავით კოდუასთან ერთად შეხვდა.

გუბერნატორმა და ლატვიის პარლამენტის ვიცე-სპიკერმა ორი ქვეყნის ურთიერთობებზე და სამომავლო გეგმებზე ისაუბრეს.

„ჩვენ გუშინ ერთად გავხსენით თქვენს მიერ აშენებული თხილის ახალი საწარმო სოფელ ნარაზენში, სადაც 45 ადგილობრივია დასაქმებული. მნიშვნელოვანია, რომ თხილის გულს ექსპორტზე ევროპაში გაიტანთ, ასევე მახარებს, ის რომ გაფართოებას და მეტი ადგილობრივის დასაქმებას აპირებთ. ჩვენ ყველა ინვესტორის გვერდით ვართ და სრულ მხარდაჭერას გიცხადებთ,“ - განაცხადა შეხვედრაზე რეგიონის გუბერნატორმა.

თავის მხრივ ლატვიის პარლამენტის ვიცე-სპიკემა გუბერნატორს მხარდაჭერისთვის მადლობა გადაუხადა.

„კარგია, რომ ჩვენი ინვესტორები თქვენი რეგიონით დაინტერესებული არინან, მათ აქვთ გეგმები და სურთ სხვა ინვესტიციების ჩადებაც, კონკრეტულად თხილის და დაფნის მიმართულებით. მათ აქვთ ჩვენი მხარდაჭერა“.

ზუგდიდის მუნიციპალიტეტის სოფელ ნარაზენში თხილის გადამამუშავებელი ახალი საწარმო „GEO FOOD“ 6 აგვისტოს გაიხსნა. ქარხნის ასაშენებლად ინვესტიცია ლატვიელმა ინვესტორებმა ჩადეს. გახსნის ცერემონიალს ინვესტორებთან ერთად ლატვიის პარლამენტის ვიცე-სპიკერი გუნდარს დაუდზე, საქართველოს სოფლის მეურნეობის მინისტრი ოთარ დანელია, სამეგრელო-ზემო სვანეთის გუბერნატორი ლევან შონია და ლატვიის ელჩის მოვალეობის შემსრულებელი იანის სილი დაესწრნენ.