“ნაციონალური მოძრაობის“ წევრი პაპუნა კუკავა დაკითხვაზე, დაახლოებით, ორი საათის განმავლობაში იმყოფებოდა. სამმართველოდან გამოსვლისას მან განაცხადა, რომ ინციდენტის პროვოცირება „ქართული ოცნების“ აქტივისტებმა მოახდინეს.

„ე.წ. დაზარალებულმა დამადო ხელი, თითქოს, მე შეურაცხყოფა მივაყენე, რაც აბსურდია. ასეთი შემთხვევა არ ყოფილა. მე უარვყავი ეს ყველაფერი. დანარჩენს გამოძიება გვიჩვენებს“, - აღნიშნა კუკავამ. მისივე თქმით, მას დაზიანებები აღენიშნება.

სამმართველოდან ისევ საავადმყოფოში გადაიყვანეს ლიკა დემეტრაძე. დედის, მაკა კოდუას თქმით, დაშავებულს ტვინის შერყევა აქვს.

„ამ ეტაპზე გამოძიება მიმდინარეობს და მე ვერანაირ კომენტარს ვერ გავაკეთებ. როგორც ვიცი, ამოიცნო ის ორი პიროვნება, ვისაც აქვს ბრალი წაყენებული“, - თქვა მან.