რეგიონი
სამეგრელოს გუბერნატორი მიმართვას ავრცელებს
სამეგრელო-ზემო სვანეთის მხარის გუბერნატორი ლევან შონია ქუთაისში, მე-9 მოწვევის პარლამენტის შეკრებას ეხმიანება. რადიო"ათინათი" გუბერნატორის მიმართვას უცვლელად გთავაზობთ:

"მეცხრე მოწვევის პარლამენტი დღეს პირველად შეიკრიბა. ეს პარლამენტი ისტორიაში ნამდვილად შევა, როგორც ერთ-ერთი ყველაზე დემოკრატიულად არჩეული. ვულოცავ თითოეულ დეპუტატს და წარმატებებს ვუსურვებ. განსაკუთრებით მახარებს, რომ ამ მოწვევის პარლამენტში სამეგრელოდან შვიდივე მაჟორიტარი დეპუტატი „ქართული ოცნების“ წარმომადგენელია. მათ ძალიან ბევრი საქმე აქვთ გასაკეთებელი ჩვენი რეგიონისთვის, მინდა წარმატებები ვუსურვო თითოეულ მათგანს.

განსაკუთრებულ მადლობას კი ამომრჩეველს ვეუბნები, იმ დიდი ნდობისთვის და მხარდაჭერისთვის რაც ჩვენი რეგიონის მოსახლეობამ გამოგვიცხადა. ჩვენმა მოქალაქეებმა კიდევ ერთხელ დაამტკიცეს, რომ ისინი უარს ეუბნებიან ძალადობას, ტერორს, ადამიანის უფლებების უგულებელყოფას. მადლობა მათ განსაკუთრებული სიმტკიცის და გამძლეობისთვის. სამეგრელომ ამ არჩევნებზე საბოლოოდ დაამტკიცა, რომ ის თავისუფლების, სწრაფი განვითარების, კეთილდღეობის, უკეთესი მომავლის და წინსვლის მოსურნეა. ჩვენ ერთად ვიზრუნებთ ჩვენს რეგიონზე, ჩვენთვის უმთავრესია თითეული მოქალაქე, მისი უფლებები, საჭიროების გათვალისწინება და პრობლემის გადაჭრა. კიდევ ერთხელ ვუხდი თითოეულ მოქალაქეს ამ დიდი ნდობისთვის მადლობას.

მე ღრმად მწამს რომ ჩვენი მაჟორიტარები ქვეყნის მთავარ საკანონმდებლო ორგანოში - მერაბ ქვარაია ქალაქ ზუგდიდიდან, ედიშერ თოლორაია ზუგდიდის მუნიციპალიტეტიდან, ირაკლი (დაჩი) ბერაია ხობიდან, ირაკლი ბერაია სენაკიდან, ოთარ დანელია მარტვილი-აბაშიდან, ირაკლი ხახუბია ფოთიდან, გოგა გულორდავა წალენჯიხა-ჩხოროწყუდან ყველაფერს გააკეთებენ მოქალაქეების ინტერესების გასატარებლად. მოგიწოდებთ თითოეულ მოქალაქეს, მიმართეთ მათ ბიუროებს, მოგვმართეთ ჩვენ ინიციატივებზე, პრობლემებზე, საჭიროებებზე. მოქალაქე და მისი უფლებები ჩვენი მთავრობისთვის ყველაზე წინ დგას და ეს მონაპოვარი ქართველ ხალხს ეკუთვნის.

წინ მნიშვნელოვანი და სასიკეთოდ გარდამტეხი 4 წელი გველოდება. კიდევ ერთხელ გიხდით მადლობას, განსაკუთრებით კი ჩვენი რეგიონის მოსახლეობას, დიდი ნდობისა და მხარდაჭერის გამოცხადებისთვის",- ნათქვამია განცხადებაში.
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 18 °C
img
ფოთი 16 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.