ანაკლიის კონსორციუმის წარმომადგენლები ადგილობრივებს შეხვდნენ (ვიდეო)
15:57 / 10.12.2016
ანაკლიის ღრმაწყლოვანი ნავსადგურის ბუნებრივ და სოციალურ გარემოზე
ზემოქმედების პროექტის ფარგლების
დადგენის (სკოუპინგის) შეხვედრა. გაიმართა ანაკლიაში. მას ადგილობრივი
მოსახლეობა დაესწრო.
გუშინ და დღეს ჩატარებულ საკონსულტაციო შეხვედრებზე დაინტერესებულ
მხარეებსა და ადგილობრივ მოსახლეობას ბუნებრივ და სოციალურ გარემოზე
პროექტის ზემოქმედების მიმდინარეობა გააცნეს და მათი შენიშვნები და
მოსაზრებები მოისმინეს. კითხვები პროექტში ანაკლიელების ჩართულობას
ეხებოდა.
"დაინტერესებული მხარეების ჩართულობის გეგმა ითვალისწინებს იმას, რომ
დაველაპარკოთ მათ და გავიგოთ, რა აწუხებთ და ეს გავითვალისწინოთ", -
განაცხადა "კონტინტერნეიშენალის" გარემოზე ზემოქმედების გეგმის
გარემოს დაცვის მიმართულების პროექტის მენეჯერმა ჯულია ევანსმა.
ადგილობრივების თქმით, მათი მთავარი პრობლემა უკანონო მიწების
დაბრუნების საკითხია და სანამ ეს არ მოგვარდება, სამუშაოებს
არ დააწყებინებენ. ისინი ეკონომიკის სამინისტროსა და შესაბამისი
ორგანოებისგან ქმედითი ნაბიჯების გადადგმას ელოდებიან.
"კარგია, რომ დაიწყო ანაკლიის ღრმაწყლოვანი ნავსადგურის მშენებლობის
საკითხები. აუცილებელია, რომ გათვალისწინებულ იყოს გარემოზე
ზემოქმედების პირობები და უსაფრთხოება დაცული იყოს. მივესალმები ამ
ფაქტს, მაგრამ გათვალისწინებული უნდა იყოს თითოეული ანაკლიელის
სოციალური პირობებიც", - აღნიშნა ანაკლიის მკვიდრმა მარინა
თოდუამ.
ანაკლიის ღრმაწყლოვანი ნავსადგური რამდენიმე ეტაპად აშენდება. პროცესი
სულ 9 ფაზას მოიცავს. პორტის გამტარუნარიანობა, რომელიც 400 ჰექტარ
ფართობზე შენდება, წელიწადში 100 მილიონი ტონა იქნება.
პორტის მშენებლობისა და განვითარების ღირებულება 2.5 მილიარდ აშშ
დოლარია. ნავსადგური 2020 წელს
გაიხსნება.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
ზუგდიდში ე.წ აგენტების კანონთან დაკავშირებით "ერთიანი ნაციონალური მოძრაობის" ლიდერი ლევან ხაბეიშვილი, ასევე "სტრატეგია აღმაშენებლის" თავმჯდომარე გიორგი ვაშაძე, საზოგადოების სხვადასხვა წარმომადგენელთან ერთად,
გარემოს ეროვნული სააგენტოს ინფორმაციით, 26 აპრილს სამეგრელოში მოსალოდნელია ცხელი და უმეტესად უნალექო ამინდი, 27-29 აპრილს კი სითბოს ფონზე ზოგან ხანმოკლე წვიმა იქნება.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები